$100K మార్క్ కి చేరుకున్న 'కింగ్డమ్' USA ప్రీమియర్ ప్రీ సేల్స్
cinema | Suryaa Desk | Published : Sat, Jul 26, 2025, 07:02 PM
గౌతమ్ టిన్నురి దర్శకత్వంలో విజయ్ దేవరకొండ ప్రధాన పాత్రలో నటిస్తున్న కొత్త స్పై యాక్షన్ మూవీ 'కింగ్డమ్' జూలై 31, 2025న ప్రపంచవ్యాప్తంగా థియేటర్లలో విడుదల అవుతుంది. ఈ సినిమా పై భారీ బజ్ ఉంది. ఈ సినిమా యొక్క నార్త్ అమెరికా రైట్స్ ని శ్లోక ఎంటర్టైన్మెంట్ బ్యానర్ సొంతం చేసుకుంది. USA ప్రీమియర్స్ కోసం ముందస్తు బుకింగ్లు ఇప్పటికే కొన్ని ప్రదేశాలలో ప్రారంభమయ్యాయి మరియు ప్రతిస్పందన చాలా ప్రోత్సాహకరంగా ఉంది. తాజాగా ఇప్పుడు ఈ సినిమా USA ప్రీమియర్ ప్రీ-సేల్స్ నుండి $100K రాబట్టింది అని మేకర్స్ ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రంలో భగ్యాశ్రీ బోర్స్, సత్య దేవ్ ముఖ్య పాత్రలలో నటించారు. ఈ సినిమా రెండు భాగాలుగా విడుదల కానుంది. ఈ చిత్రంలో విజయ్ స్పై ఏజెంట్గా కనిపించనున్నారు. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చూన్ ఫోర్ సినిమాస్ సంయుక్తంగా ఈ చిత్రాన్ని నిర్మిస్తున్నాయి. అనిరుద్ రవిచందర్ ఈ చిత్రానికి సంగీతాన్ని అందిస్తున్నారు.
|
|