'సూర్య 46' షూట్ లో జాయిన్ అయ్యిన రాధికా శరత్ కుమార్
cinema | Suryaa Desk | Published : Thu, Jul 31, 2025, 09:08 PM
వెంకీ అట్లూరి దర్శకత్వంలో కోలీవుడ్ స్టార్ హీరో సూర్య తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ తెలుగు తమిళ ద్విభాషా చిత్రాన్ని తాత్కాలికంగా 'సూర్య 46' అనే టైటిల్ తో పిలుస్తున్నారు. తాజాగా ఇప్పుడు లేటెస్ట్ రిపోర్ట్స్ ప్రకారం, ఈ సినిమాలో కీలక పాత్రలో నటిస్తున్న సీనియర్ నటి రాధికా శరత్ కుమార్ ఈ సినిమా సెట్స్ లో జాయిన్ అయ్యినట్లు సమాచారం. ఈ విషయాన్ని తెలియజేసేందుకు ప్రొడక్షన్ హౌస్ సోషల్ మీడియాలో సరికొత్త పోస్టర్ ని విడుదల చేసింది. ఈ సినిమాలో సూర్యకి జోడిగా మమిత బైజు నటిస్తుంది. ఈ చిత్రానికి GV ప్రకాష్ కుమార్ సంగీతాన్ని అందిస్తున్నారు. సూర్యదేవర నాగా వంశి ఫార్చ్యూన్ ఫోర్ సినిమాలతో పాటు సీతారా ఎంటర్టైన్మెంట్స్ బ్యానర్ కింద ఈ ప్రాజెక్టును నిర్మిస్తున్నారు. ఈ ప్రాజెక్ట్ కి సంబందించిన మరిన్ని వివరాలని మేకర్స్ త్వరలో వెల్లడి చేయనున్నారు.
|
|