Kotha Lokah 2: స్టార్ హీరో ఎంట్రీ.. మెయిన్ విలన్ హింట్ తో హైప్ పెంచిన మేకర్స్

గత వారాంతంలో నాలుగు తెలుగు సినిమాలు విడుదలైనప్పటికీ వాటిలో కొన్నింటికి మాత్రమే పాజిటివ్ టాక్ వచ్చింది. అయితే ప్రేక్షకులు పెద్దగా ఆసక్తి చూపించలేదు. మరోవైపు మలయాళ డబ్బింగ్ చిత్రం **‘కొత్త లోక’**కి మాత్రం తెలుగులో ఓ మాదిరి స్పందన లభించింది.ప్రత్యేకంగా మెట్రో నగరాల్లో ఆదివారం వరకు మంచి ఆక్యుపెన్సీ నమోదైంది. తొలి నుంచే ఇది సూపర్ హీరో యూనివర్స్ అని చెబుతూ వచ్చిన టీమ్, ఇప్పుడు మరికొన్ని ఆసక్తికర విషయాలు బయటపెట్టింది.పురాణాల్లో వినిపించే యక్షిణి పాత్రకు ఆధారంగా తీసుకుని, దానికి సూపర్ పవర్స్ జోడించి ఈ కథను రూపొందించారు. కల్యాణి ప్రియదర్శన్ ప్రధాన పాత్రలో నటించగా, సినిమా బడ్జెట్ రూ.35-40 కోట్ల మధ్యలోనే ఉందని సమాచారం. అయితే ఇంత తక్కువ ఖర్చుతో ఈ స్థాయి విజువల్స్ చూపించడం ప్రేక్షకులను ఆశ్చర్యపరిచింది. పాజిటివ్ టాక్‌తో పాటు రూ.60-70 కోట్ల వరకు వసూళ్లు వచ్చాయని, దాంతో ప్రాజెక్ట్ లాభాల్లోకి వెళ్ళిందని తెలుస్తోంది.తాజాగా సినిమా స్వీకరణపై దర్శకుడు డొమినిక్ అరుణ్ మాట్లాడుతూ, ఈ ఫ్రాంచైజీ మొత్తంగా ఐదు పార్ట్స్‌గా ఉంటుందని తెలిపారు. అలాగే, మొదటి భాగంలోనే మెయిన్ విలన్ గురించి సూచన ఇచ్చామని చెప్పారు. ఐదు భాగాలకు సంబంధించిన స్క్రిప్ట్ వర్క్ షూటింగ్ ప్రారంభానికి ముందే పూర్తి చేశామని కూడా క్లారిటీ ఇచ్చారు.ఈ సినిమాలో అతిథి పాత్రలో మెప్పించిన టొవినో థామస్, రెండో పార్ట్‌లో హీరోగా కనిపిస్తాడనే వార్తలు వినిపిస్తున్నాయి. అదే సమయంలో, ‘కొత్త లోక’ మొదటి భాగం చివరలో దర్శనమిచ్చిన దుల్కర్ సల్మాన్ కూడా రాబోయే పార్ట్స్‌లో తప్పకుండా ఉండబోతున్నాడని అంటున్నారు. ఇప్పటికే కమర్షియల్‌గా మంచి గుర్తింపు తెచ్చుకున్న కల్యాణి, ఈ సినిమాతో తన క్రేజ్‌ను మరింతగా పెంచుకుంటోంది.