![]() |
![]() |
by Suryaa Desk | Wed, Aug 14, 2024, 08:33 PM
రాష్ట్ర ప్రభుత్వం పేదపేషెంట్ల కోసం ప్రతిష్టాత్మకంగా అమలు చేస్తున్న ఆరోగ్యశ్రీ పథకాన్ని వరంగల్లోని పలు ప్రైవేట్ హాస్పిటల్స్ తప్పుదారి పట్టిస్తున్నాయి. ఎమర్జెన్సీ సేవల కోసం వస్తున్న పేద రోగులకు సకాలంలో సేవలు అందించాల్సి ఉండగా డాక్టర్లు బిజినెస్ చేస్తున్నారు. కొందరు ఆరోగ్యశ్రీ బిల్లులు రావట్లేదని.. ప్రైవేట్ లో చికిత్స చేస్కోవాలని లేటైతే ప్రాణానికే ప్రమాదమంటూ వచ్చిన రోగులను బతికుండాగానే మానసికంగా చంపేస్తున్నారు. మొత్తం బిల్లులో 50 శాతం నగదు కడితేనే మిగతా డబ్బులను ఆరోగ్యశ్రీలో క్లెయిమ్ చేసుకుంటామని ఆఫర్ ఇస్తున్నారు. క్యాష్ కట్టాకే ట్రీట్మెంట్ మొదలుపెడ్తున్నారు. కట్టిన డబ్బులకు బిల్లులు, రిసిప్టులు ఉండవని ముందే చెబుతున్నారు.గ్రేటర్ వరంగల్ పరిధిలోని ఆరోగ్యశ్రీ ఎంపానల్ జాబితాలో ఉన్న పలు ప్రైవేట్ హాస్పిటల్స్లో పేషెంట్లకు 24 గంటల వైద్య సేవలు అందించాల్సి ఉంటుంది. అయితే సాయంత్రం 5 గంటలు దాటితే ఆరోగ్యశ్రీ సేవలు ఆపేస్తున్నారు. కాంగ్రెస్ అధికారంలోకి వచ్చిన తర్వాత ఆరోగ్య శ్రీ పథకంలో 1,672 ప్రొసీజర్లు ఉండగా, 1,375 ప్రొసీజర్ల ధరలను 20 నుంచి 25 శాతం పెంచారు. చివరిసారిగా 2013లో ఛార్జీలను పెంచగా..11 ఏండ్ల తర్వాత రేవంత్ రెడ్డి ప్రభుత్వం మరోసారి పెంచింది.