ఔటర్ రింగు రోడ్డు లోపల పక్కగా,,,,4,600 కి.మీ మేర నిర్మాణం

హైదరాబాద్ నగర అభివృద్దిపై రేవంత్ సర్కార్ స్పెషల్ ఫోకస్ పెట్టింది. ప్రపంచ నగరాలకు ధీటుగా నగరాన్ని అభివృద్ది చేసేందుకు చర్యలు తీసుకుంటుంది. ఇప్పుడున్న హైదరాబాద్, సికింద్రాబాద్, సైబరాబాద్ సిటీలతో పాటుగా ఫ్యూచర్ సిటీగా ఫోర్త్ సిటీని నిర్మించేందుకు ఫ్లాన్ చేస్తుంది. రంగారెడ్డి జిల్లా ముచ్చింతల్‌లో ఈ ప్రాజెక్టును చేపట్టనున్నారు. ఇక హైదరాబాద్ మహా నగర పరిధిని ఔటర్ రింగు రోడ్డు వరకు విస్తరించిన సంగతి తెలిసిందే. ప్రస్తుతం ఉన్న నాలుగు జోన్లకు ఆరు జోన్లకు విస్తరించి పలు కార్పొరేషన్లు, గ్రామాలు జీహెచ్‌ఎంసీలో విలీనం చేశారు.

తాజాగా. జలమండలి అధికారులు కీలక నిర్ణయం తీసుకున్నారు. ఔటర్ రింగ్‌ రోడ్డు లోపల మున్సిపాలిటీలు, కార్పొరేషన్ల పరిధిలో పక్కా డ్రైనేజీ వ్యవస్థను తీర్చిదిద్దేందుకు ప్రణాళికలు రచిస్తోంది. అన్ని చోట్ల పకడ్బందీగా అండర్ గ్రౌండ్ డ్రైనేజీ వ్యవస్థను తీర్చిదిద్దాలని భావిస్తోంది. ప్రస్తుతం ఔటర్ రింగు రోడ్డు లోపల జీహెచ్‌ఎంసీ పరిధిలో 14 మున్సిపాలిటీలు, ఏడు కార్పొరేషన్లు ఉన్నాయి. గతంలో జీహెచ్‌ఎంసీలో కలిసిన 12 మున్సిపాలిటీలు, ప్రస్తుతం ఔటర్ చుట్టూ విస్తరించి ఉన్న మున్సిపాలిటీలు, కార్పొరేషన్లలో పాత పైపులైన్ల ఉన్నాయు. వీటి కారణంగా డ్రైనేజీ వ్యవస్థ నిర్వహణ దారుణంగా మారింది. నీరు శుద్ది చేయకుండానే.. సమీపంలోని చెరువులు, కుంటలు, మూసీ నదిలో ఆ నీరు వచ్చి చేరుతోంది.

ఈ నేపత్యంలో ఔటర్ పరిధిలోకి వచ్చే మున్సిపాలిటీలు, కార్పొరేషన్లలో డ్రైనేజీ వ్యవస్థ అవసరమని జలమండలి అధికారులు గుర్తించారు. ఈ మేరకు దాదాపు 4,600 కిలోమీటర్లు కొత్త అండర్ గ్రౌండ్ డ్రైనేజీ వ్యవస్థ ఏర్పాటు చేయాలని ప్రభుత్వం భావిస్తోంది. మూసీ నదిని ప్రక్షాళన చేపట్టాలని కూడా ప్రభుత్వం భావిస్తోంది. అందులో భాగంగానే.. మూసీలో స్వచ్ఛమైన నీటిని పారించాలంటే ముందుగా హైదరాబాద్ చుట్టూ ఉన్న మురుగు నీటికి అడ్డుకట్ట వేయాల్సి ఉంటుంది.

అందుకు అనుగుణంగా త్వరలోనే ఔటర్ పరిధిలో కేంద్ర ప్రభుత్వ అమృత్‌ స్కీం, తెలంగాణ ప్రభుత్వ వాటాతో 32 మురుగు శుద్ధి కేంద్రాలు నిర్మించేందుకు సిద్ధమైంది. మూసీకి ఇరువైపులా కాలనీలు, ఇతర ప్రాంతాల నుంచి వచ్చే మురుగు, వ్యర్థాలతో వచ్చే నేరుగా మూసీ నదిలోకి చేరకుండా వాటిని శుద్ధి కేంద్రాల్లోకి మళ్లించనున్నారు. అక్కడ ఆ నీటిని శుద్ది చేసి అనంతరం మూసీలోకి వదలనున్నారు. ఔటర్ లోపల అండర్ గ్రౌండ్ డ్రైనేజీ నిర్మాణంతో ఆయా ప్రాంతాలకు మహర్దశ పట్టనుంది.