హైదరాబాద్‌ రోడ్లపై ముస్లింల నమాజ్.. రాజాసింగ్ సంచలన ట్వీట్

తరచూ వివాదాస్పద వ్యాఖ్యలతో వార్తల్లో నిలిచే గోషామహల్ బీజేపీ ఎమ్మెల్యే రాజాసింగ్ మరోసారి.. సంచలన ట్వీట్ చేశారు. కాగా.. ఈసారి హైదరాబాద్ రోడ్లపై ముస్లింలు నమాజ్ చేయటంపై ఎమ్మెల్యే రాజాసింగ్ తీవ్ర అభ్యంతరం వ్యక్తం చేస్తూ.. కామెంట్స్ చేశారు. ఈ మేరకు.. హైదరాబాద్ పోలీసులకు పలు సూచనలు చేస్తూ.. రాజాసింగ్ ట్వీట్ చేశారు. అయితే.. చివరి శుక్రవారం (నవంబర్ 15వ తేదీ) రోజున దిల్‌సుఖ్ నగర్‌లోని ప్రధాన రహదారిపై.. కొంతమంది ముస్లింలు నమాజ్ చేశారు. రహదారిపై కొంత స్థలంలో కార్పెట్ వేసుకుని పలువురు ముస్లింలో నమాజ్ చేసుకున్న ఫొటోను షేర్ చేస్తూ రాజాసింగ్ ట్వీట్ చేశారు. అయితే.. ఆ ముస్లింలు నమాజ్ చేస్తున్న సమయంలో రోడ్డుపై చాలా మంది పాదాచారులతో పాటు వాహనదారులు కూడా తమ ప్రయాణాలు చేస్తున్నట్టు ఫొటోలో తెలుస్తోంది. అంతేకాకుండా.. అక్కడే ఓ హిందూ ఆలయం కూడా ఉండటం గమనార్హం.

ఈ ఫొటోను షేర్ చేసిన రాజాసింగ్.. హైదరాబాద్ పోలీసులకు ట్యాగ్ చేస్తూ.. కొన్ని కామెంట్లు చేశారు. "రోడ్లపై ఇలాంటి అవాంతరాలు తక్షణమే అరికట్టాలి. రోడ్లపై నమాజ్ చేయడానికి ప్రజలను అనుమతిస్తే.. అది ఇతరులను కూడా రోడ్డుపైకి వచ్చి హనుమాన్ చాలీసా చదివేందుకు దారితీసేందుకు ఓ కారణమవుతుంది. మన వీధులను దైనందిన జీవితానికి అంతరాయం కలిగించే మతపరమైన ఆచార స్థలాలుగా మార్చడాన్ని మేము అనుమతించలేం. ఇది సాధారణ ప్రజలకు అనవసరమైన ఆటంకాలు, అవాంతరాలు మాత్రమే సృష్టిస్తుంది. ఏ సమూహం ఇతరులకు అసౌకర్యం కలిగించకుండా, రోడ్లు అందరికీ క్లియర్‌గా, శాంతియుతంగా ఉండేలా తక్షణ చర్య తీసుకోవాలని మిమ్మల్ని కోరుతున్నాను. బహిరంగ ప్రదేశాలు ఎలాంటి అవాంతరాలు లేకుండా.. వాటిని ఉద్దేశించిన ప్రయోజనాన్ని ప్రజలకు అందించాలి." అంటూ హైదరాబాద్ సీపీ సీవీ ఆనంద్‌తో పాటు హైదారాబాద్ సిటీ పోలీసులను ట్యాగ్ చేస్తూ ట్వీట్ చేశారు.

అయితే.. గతంలోనూ పలు రాష్ట్రాల్లో రోడ్లపై నమాజ్ చేయడం వివాదాలకు దారి తీసిన విషయం తెలిసిందే. ముస్లింలో రోడ్డుపై నమోదు చేయగా.. దీనికి ప్రతిచర్యగా మరో వర్గం రోడ్లపైకి వచ్చి హనుమాన్ చాలీసాను పఠించారు. దీంతో.. రెండు వర్గాల మధ్య వివాదం చెలరేగగా.. అది కాస్త ఉద్రిక్తతకు దాడి తీసిన సందర్భాలున్నాయి. అయితే.. ఈ విషయాలను పరిగణలోకి తీసుకుని.. ఇలాంటి చర్యలను ప్రోత్సహించొద్దని బీజేపీ ఎమ్మెల్యే రాజాసింగ్ ప్రోత్సహిస్తున్నారు.