గూడూరు మండలంలోని ధాన్యం కొనుగోలు కేంద్రాల ఆకస్మిక తనిఖీ
Telangana Telugu | Suryaa Desk | Published : Thu, Nov 21, 2024, 02:49 PM
మహబూబాబాద్ జిల్లా, గూడూరు మండల కేంద్రంలోని, అయోధ్యాపురం గ్రామం, అదేవిధంగా స్థానిక గూడూరు మండల కేంద్రంలోని, ఐకెపి, ప్రాథమిక వ్యవసాయ సహకార సంఘం, గిరిజన సహకార సంస్థ ఆధ్వర్యంలో ఏర్పాటుచేసిన ధాన్యం కొనుగోలు కేంద్రాలను, ఆకస్మికంగా తనిఖీ చేసిన మహబూబాబాద్ జిల్లా కలెక్టర్ అద్వైత్ కుమార్ సింగ్. ఈ సందర్భంగా కొనుగోలు కేంద్రాలలో ప్రభుత్వం సూచనల ప్రకారం రైతుల నుండి ధాన్యం సేకరించాలని, రైతులకు ఎలాంటి ఇబ్బందులు లేకుండా కేంద్రంలో అన్ని వసతులు కల్పించాలని, ఓపి ఎమ్మెస్ ఆన్లైన్ విధానం ద్వారా రైతుల వివరాలను నమోదు చేసి, ధాన్యం కొనుగోలుకు సంబంధించిన డబ్బులు పడే విధంగా చర్యలు తీసుకోవాలని సూచించారు. కొనుగోలు కేంద్రాల వద్ద ఏర్పాటుచేసిన రిజిస్టర్ లను పరిశీలించారు.
ధాన్యం యొక్క తేమ శాతం ను పరిశీలించారు. కొనుగోలు కేంద్రాలలో రైతులకు ఎలాంటి ఇబ్బందులు లేకుండా చూడాలని అధికారులను ఆదేశించారు. ఈ కార్యక్రమంలో గుడూరు మండల తాహసిల్దార్ శ్వేత, మండల వ్యవసాయ శాఖ అధికారి అబ్దుల్ మాలిక్ మరియు వ్యవసాయ విస్తరణ అధికారులు కొనుగోలు కేంద్రాల నిర్వహకులు పాల్గొన్నారు.
|
|