కూకట్ పల్లిలోని జయనగర్ లో భారీ చోరీ
Telangana Telugu | Suryaa Desk | Published : Fri, Nov 29, 2024, 12:33 PM
కూకట్ పల్లిలోని జయనగర్ లో భారీ చోరీ జరిగింది. నవంబర్ 28న రాత్రి ఓ ఇంట్లో ఎవరూ లేని సమయంలో ఇంటి తాళాలు పగలగొట్టిన దొంగలు..బీరువా తాళం ఇరగ్గొట్టి 80 తులాల బంగారం, 2 లక్షల నగదును ఎత్తుకెళ్లారు.బాధితుల ఫిర్యాదు మేరకు ఘటనా స్థలానికి వచ్చిన పోలీసులు ఇంటిని పరిశీలించి కేసు నమోదు చేసుకుని దర్యాప్తు చేస్తున్నారు. అంతరాష్ట్ర దొంగల ముఠా పనా? లేక ఎవరు చేశారు అనే కోణంలో దర్యాప్తు చేస్తున్నారు పోలీసులు.కూకట్ పల్లి డివిజన్లో ఈ మధ్యకాలంలో సరైన పెట్రోలింగ్ లేకపోవడం వల్లే ఇలాంటి సంఘటనలు తరచూ జరుగుతున్నాయని కాలనీవాసులు ఆరోపిస్తున్నారు. గతంలో సమయానికి పెట్రోలింగ్ వాళ్ళు వచ్చే వాళ్ళని ఈ మధ్యకాలంలో పెట్రోలింగ్ అనేది కనబడలేదని చెబుతున్నారు. ఈ మధ్య కాలంలో చాలా ఇలాంటి సంఘటనలు చాలా జరిగాయని..అయితే ఆలస్యంగా వెలుగులోకి రావడంపై అనుమానాలు వ్యక్తం చేస్తున్నారు. ఆలస్యంగా సమాచారం ఇవ్వడం వెనక మతలబు ఏమిటని ప్రశ్నిస్తున్నారు. ఇలాంటి సంఘటనలు జరగకుండా పోలీసులు కఠిన చర్యలు తీసుకోవాలని కోరుతున్నారు.
|
|