ట్రెండింగ్
కూకట్ పల్లి ఎమ్మెల్యే మాధవరం కృష్ణారావు హౌస్ అరెస్టు
Telangana Telugu | Suryaa Desk | Published : Fri, Dec 06, 2024, 12:08 PM
భారాస ఎమ్మెల్యేలు, నేతల అరెస్టులను ఖండిస్తూ ఆ పార్టీ (BRS) నిరసనలకు పిలుపునిచ్చింది. ఎన్టీఆర్ మార్గ్లోని అంబేడ్కర్ విగ్రహం వద్ద నిరసన తెలిపేందుకు నేతలు సిద్ధమయ్యారు. ఈక్రమంలో పోలీసులు అప్రమత్తమయ్యారు. మాజీ మంత్రి హరీశ్రావు (Harish Rao), భారాస ఎమ్మెల్యేలు, నేతల నివాసాల వద్ద పోలీసులు భారీగా మోహరించారు. కొంపల్లిలో కుత్బుల్లాపూర్ ఎమ్మెల్యే కేపీ వివేకానంద, కూకట్పల్లిలో ఎమ్మెల్యే మాధవరం కృష్ణారావును గృహ నిర్బంధం చేశారు. మేడ్చల్ జిల్లా దుండిగల్ మండలంలోని నివాసంలో ఆ పార్టీ నేత శంభీపూర్ రాజు, కొండాపూర్లో ఎమ్మెల్యే పాడి కౌశిక్రెడ్డి (Padi Kaushik Reddy), కోరుట్ల ఎమ్మెల్యే సంజయ్, రాజేంద్రనగర్ బండ్లగూడలో ఆర్ఎస్ ప్రవీణ్కుమార్ను హౌస్ అరెస్టు చేశారు. మరోవైపు తెలంగాణ భవన్ వద్ద పోలీసులు మోహరించారు.
|
|