భర్తకు అనారోగ్యంగా ఉందని డబ్బున్న వాళ్లతో ఆ పనులు..హోంగార్డు అరెస్టు
Telangana Telugu | Suryaa Desk | Published : Fri, Dec 06, 2024, 12:11 PM
వేములవాడలో మహిళా హోంగార్డు అనూష తన భర్తకు అనారోగ్యంగా ఉందని చెప్తూ.. పెద్ద తలకాయలను ట్రాప్ చేసి.. అందినకాడికి లాగేస్తుంది. ఆపై అడిగితే ఫొటోలు మార్ఫింగ్ చేసి బ్లాక్ మెయిల్ చేసి మరీ డబ్బు లాగేసుకుంటుంది. చివరకు వేములవాడ టెంపుల్ రిటైర్డ్ ఉద్యోగి ద్వారకా శేఖర్.. ఈ కిలేడీ వలలో పడ్డాడు. ఇటీవల ఆమె తన ఫోటోలను మార్ఫింగ్ చేసి బ్లాక్ మెయిల్ చేయగా శేఖర్ పోలీసులకు ఫిర్యాదు చేశారు. దీంతో అనూష బాగోతం బయటపడింది.మహిళా హోంగార్డు అప్పుగా తీసుకున్న డబ్బులు ఇవ్వాలని శేఖర్ అడుగగా బ్లాక్ మెయిల్ కు పాల్పడింది. శేఖర్ ఫోటోను మార్ఫింగ్ చేసి పెళ్లి పత్రిక తయారు చేసింది. అతను తనను పెళ్లి చేసుకున్నాడని అసత్య ప్రచారంతో బ్లాక్ మెయిల్ చేస్తూ ఐదు లక్షల రూపాయలు డిమాండ్ చేసింది. అడిగినంత డబ్బు ఇవ్వకుంటే ఫోటోలను పెళ్లి పత్రికను బయటపెడుతానని బెదిరించింది. ఆ పోటోలు బయటకు వస్తే పరువు పోతుందని భయపడిన శేఖర్ ఐదు లక్షల రూపాయలు మాయలేడీ హోంగార్డుకు ముట్టజెప్పాడు. ఇలా అవసరం ఉన్నప్పుడల్లా డబ్బులు డిమాండ్ చేసి అందినకాడికి దండుకునే పనిలో నిమగ్నమైంది. తాజాగా మరో రెండు లక్షల రూపాయలు ఇవ్వాలని డిమాండ్ చేస్తూ బెదిరించింది. విసిగిపోయిన శేఖర్ వేములవాడ పోలీస్ స్టేషన్ లో ఫిర్యాదు చేశారు. వెంటనే రంగంలోకి దిగిన పోలీసులు మహిళా హోంగార్డు అనూషను అరెస్టు చేసి రిమాండ్ కు తరలించారు.
|
|