ఎన్నికల కోడ్ ముగిశాక ఆర్టీసీ సమ్మె సైరన్!
Telangana Telugu | Suryaa Desk | Published : Mon, Feb 17, 2025, 12:45 PM
తమ సమస్యల పరిష్కారమే లక్ష్యంగా సమ్మెకు దిగాలని TGSRTC కార్మిక సంఘాలు నిర్ణయించాయి. గత నెలలో ఓ సమ్మె నోటీసు ఇవ్వగా, MLC ఎన్నికల కారణంగా యాజమాన్యంతో చర్చలు వాయిదా పడ్డాయి. కోడ్ ముగిసే వరకు గడువు ఇచ్చిన కార్మికులు త్వరలో మరో నోటీసు ఇవ్వాలని భావిస్తున్నారు. తొలుత ఐదారు రోజులు సమ్మె చేసి, తర్వాత నిరవధిక సమ్మెకు ప్రణాళిక సిద్ధం చేస్తున్నట్లు తెలుస్తోంది.గత ప్రభుత్వం ఆర్టీసీ ఉద్యోగులను ప్రభుత్వంలో విలీనం చేసే ప్రక్రియను ప్రారంభించింది. అంతలోనే ప్రభుత్వం మారటంతో అధికారంలోకి వచ్చిన కాంగ్రెస్ ప్రభుత్వం దాన్ని పెండింగులో పెట్టింది. 2017 వేతన సవరణ బకాయిలు కూడా చెల్లించలేదు. 2021 వేతన సవరణపై ప్రభుత్వం స్పందించటంలేదు. బీఆర్ఎస్ ప్రభుత్వం రద్దుచేసిన గుర్తింపు యూనియన్ల పునరుద్ధరణ జరగలేదు. సీసీఎస్, పీఎఫ్లకు భారీగా బకాయిలు పేరుకుపోయాయి. వీటి సాధనే లక్ష్యంగా కార్మికులు సమ్మెకు సిద్ధమయ్యాయి.
|
|