యువత కోసం రాజీవ్ యువ వికాసం పథకం.. ఖాతాల్లోకి రూ.4 లక్షలు

తెలంగాణ యువత కోసం రేవంత్ రెడ్డి ప్రభుత్వం మరో సరికొత్త పథకాన్ని అమల్లోకి తీసుకొచ్చింది. రాజీవ్ యువ వికాసం పేరుతో కొత్త పథకాన్ని సీఎం రేవంత్ రెడ్డి ప్రారంభించారు. రూ.6 వేల కోట్లతో ప్రారంభించిన ఈ రాజీవ్ యువ వికాసం పథకం కింద రాష్ట్రంలోని అర్హులైన యువకులకు రూ.4 లక్షల ఆర్థిక సాయం చేయనుంది ప్రభుత్వం. ఎస్సీ, ఎస్టీ, బీసీ, మైనారిటీ వర్గాలకు చెందిన యువత ఈ పథకం కోసం దరఖాస్తు చేసుకోవచ్చు. మార్చి 17వ తేదీ నుంచి ఏప్రిల్ 5 వరకు ఆన్‌లైన్‌లో దరఖాస్తులు స్వీకరించనున్నారు. లోన్ మొత్తాన్ని బట్టి 60 నుంచి 80 శాతం వరకు ప్రభుత్వమే సబ్సిడీ వస్తుంది. ఈ పథకం ద్వారా తెలంగాణవ్యాప్తంగా ఉన్న ఎస్సీ, ఎస్టీ, బీసీ, మైనారిటీ వర్గాలకు చెందిన 5 లక్షల మంది నిరుద్యోగులు లబ్ధిపొందనున్నారు. అయితే.. ఈ పథకానికి ఎలా దరఖాస్తు చేసుకోవాలి? ఏఏ డాక్యుమెంట్లు కావాలో..? తెలుసుకుందాం..

ఇలా సింపుల్‌గా దరఖాస్తు చేసుకోండి..

ప్రభుత్వం ప్రత్యేకంగా సిద్ధం చేసిన https://tgobmms.cgg.gov.in వెబ్ సైట్ ఓపెన్ చేయాలి.

వెబ్ సైట్ ఓపెన్ చేసిన వెంటనే.. రెండు బటన్స్ కనిపిస్తాయి. అందులో "రాజీవ్ యువ వికాసం పథకం రిజిస్ట్రేషన్" మీద క్లిక్ చేయాలి.

ఆ వెంటనే.. "Click here to Application Form for Rajiv Yuva Vikasam Scheme" మీద క్లిక్ చేయాలి.

క్లిక్ చేయగానే.. ఎస్సీ, ఎస్టీ, బీసీ, ఎంబీసీ, బీసీ, మైనారిటీ, క్రిస్టియన్ మైనారిటీలకు ప్రత్యేకంగా 7 బటన్స్ కనిపిస్తాయి. ఏ వర్గానికి చెందినవారు ఆ బటన్ క్లిక్ చేయాలి.

ఆ తర్వాత.. దరఖాస్తుదారునికి సంబధించిన రిజిస్ట్రేషన్ ఫాం ఓపెన్ అవుతుంది

అందులో.. దరఖాస్తుదారుని పేరు, ఆధార్ కార్డు నెంబర్, ఆహార భద్రత కార్డు నెంబర్ వివరాలు నింపాల్సి ఉంటుంది. అందులోనే.. సెక్టార్ అనే బాక్స్‌లో లోన్ ఏ సెక్టార్ కోసం తీసుకుంటున్నారన్నది సెలెక్ట్ చేసుకోవాలి. దాన్ని బట్టి పక్కనే స్కీము అనే బాక్స్‌లో మీరు ఆ లోన్ దేని కోసం వాడతారన్నది ఎంచుకోవాల్సి ఉంటుంది.

అది ఎంచుకున్న వెంటనే.. మీకు ఎంత మొత్తం లోన్ వచ్చే అవకాశం ఉందన్న వివరాలు అక్కడ కనిపిస్తాయి.

ఆ తర్వాత గో (Go) అనే బటన్ క్లిక్ చేయగానే.. మీ దరఖాస్తుకు సంబంధించిన కొన్ని డాక్యుమెంట్లు అప్‌లోడ్ చేయాల్సి ఉంటుంది. ఈ ప్రక్రియ పూర్తవగానే మీ అప్లికేషన్ రివ్యూలోకి వెళ్తుంది.

సమీక్ష పూర్తయిన తర్వాత.. దరఖాస్తుదారుడు అర్హుడని తేలితే ఏప్రిల్ 5వ తేదీలోగా ఫైనలైజ్ అవుతుంది.

మీ దరఖాస్తుకు సంబంధించిన సమాచారం కోసం జిల్లా బీసీ వెల్‌ఫేర్ అధికారికి ఫోన్ చేసి కొనుక్కోవచ్చు. హెల్ప్‌లైన్ నెంబర్ 040-12345678కి ఫోన్ చేయవచ్చు.

దరఖాస్తు కోసం ఏఏ డాక్యుమెంట్లు కావాలి..

ఆధార్ కార్డు

తెలంగాణ డొమిసిల్ సర్టిఫికేట్

క్యాస్ట్, ఇన్‌కమ్ సర్టిఫికేట్స్

బ్యాంకు అకౌంట్ వివరాలు

రేషన్ కార్డు

ఎంప్లమ్‌మెంట్ ఎక్స్‌ఛేంజ్ రిజిస్ట్రేషన్

ఎంత లోన్‌‌కు ఎంత సబ్సీడీ వస్తుందంటే..?

రాజీవ్ యువ వికాసం పథకం కింద లోన్ తీసుకున్న వారికి ప్రభుత్వం సబ్సీడీ ఇస్తుంది. లబ్ధిదారుడు తీసుకున్న లోన్ మొత్తాన్ని బట్టి ఎంత సబ్సీడీ ఇవ్వాలనేది నిర్ధారిస్తారు. అయితే.. 60 శాతం నుంచి 80 శాతం వరకు సబ్సీడీ వచ్చే అవకాశం ఉంటుంది. లక్ష రూపాయల లోపే తీసుకుంటే.. 80 శాతం సబ్సీడీ వచ్చే ఛాన్స్ ఉంది. 80 శాతం పోగా మిగిలిన మొత్తాన్ని లబ్ధిదారుడు కట్టాల్సి ఉంటుంది. లక్ష నుంచి 2 లక్షల వరకు లోన్ తీసుకుంటే.. 70 శాతం సబ్సీడీ రాగా.. మిగిలిన 30 శాతం కట్టాల్సి ఉంటుంది. 4 లక్షల వరకు లోన్ తీసుకుంటే మాత్రం 60 శాతం సబ్సీడీ వస్తుంది. ఇక మిగిలిన 40 శాతం మొత్తాన్ని లబ్దిదారులే కట్టాల్సి ఉంటుంది. ఇంకేందుకు ఆలస్యం.. ప్రభుత్వం ఇస్తున్న ఈ సూపర్ ఛాన్స్‌ని అందిపుచ్చుకుని.. జీవితంలో ఒక సువర్ణాధ్యాయాన్ని మొదలుపెట్టేయండి..!