ట్రెండింగ్
బీఎస్ఎఫ్ జవాన్ మహేష్ జమ్ము కాశ్మీర్కు ప్రయాణం.. గ్రామస్తుల ఘన వీడ్కోలు
Telangana Telugu | Suryaa Desk | Published : Mon, May 12, 2025, 12:48 PM
నల్లగొండ జిల్లా త్రిపురారం మండలంలోని బుజ్జికల్ గ్రామానికి చెందిన బీఎస్ఎఫ్ (బార్డర్ సెక్యూరిటీ ఫోర్స్) జవాన్ పోలిశెట్టి మహేష్ దేశసేవలో మరోసారి ముందుకు సాగాడు. సెలవుల్లో ఉన్న మహేష్, భారత్-పాకిస్తాన్ యుద్ధ పరిస్థితుల నేపథ్యంలో ఉన్నతాధికారుల పిలుపునకు స్పందించి సోమవారం జమ్ము కాశ్మీర్కి బయలుదేరాడు.
ఈ సందర్భంగా త్రిపురారం నిత్య జాతీయ గీతాలాపన కమిటీ, గ్రామస్తులు కలిసి మహేష్ను ఘనంగా సన్మానించారు. దేశ రక్షణలో పాల్గొంటున్న మహేష్కు గ్రామస్థులు అభినందనలు తెలియజేస్తూ దేశభక్తితో నిండిన శుభాకాంక్షలు తెలిపారు. గ్రామ యువత, పెద్దలు, కమిటీ సభ్యులంతా అతనికి శుభాకాంక్షలు తెలియజేస్తూ దేశ సేవలో మరింత విజయవంతంగా కొనసాగాలని ఆకాంక్షించారు. పోలిశెట్టి మహేష్ సాహసోపేతమైన సేవా తత్పరత గ్రామ యువతకు ప్రేరణగా నిలుస్తుందని గ్రామ పెద్దలు పేర్కొన్నారు.
|
|