ట్రెండింగ్
ఘనంగా జరిగిన కౌరంపల్లి మైసమ్మ జాతర మహోత్సవాలు
Telangana Telugu | Suryaa Desk | Published : Tue, May 13, 2025, 03:59 PM
నారాయణపేట మండలం సింగారం గ్రామ శివారులోని కౌరంపల్లి మైసమ్మ జాతర మహోత్సవాలు మంగళవారం అత్యంత ఘనంగా జరిగాయి. ఈ ఉత్సవాల్లో భాగంగా ఉదయం అమ్మవారికి అభిషేకం, అలంకరణ, మహా మంగళహారతితో సహా ప్రత్యేక పూజలు నిర్వహించారు.
గ్రామంలోని చౌడేశ్వరి ఆలయం నుంచి పెద్ద సంఖ్యలో మహిళలు భక్తిశ్రద్ధలతో బోనాలతో ఊరేగింపుగా బయలుదేరారు. వారు మైసమ్మ ఆలయానికి చేరుకొని అమ్మవారికి ప్రత్యేక పూజలు నిర్వహించి, బోనాలు సమర్పించి తమ మొక్కులు చెల్లించుకున్నారు. ఈ ఉత్సవాలు భక్తులతో కిటకిటలాడాయి.
|
|