ఉచిత భోజన పథకాన్ని ప్రారంభించిన ఎమ్మెల్యే వాకిటి శ్రీహరి
Telangana Telugu | Suryaa Desk | Published : Thu, May 22, 2025, 12:23 PM
మక్తల్ ప్రభుత్వ ఆసుపత్రిలో ఉచిత భోజన పథకాన్ని గురువారం ఎమ్మెల్యే వాకిటి శ్రీహరి ఘనంగా ప్రారంభించారు. ఈ కార్యక్రమంలో ఆయన మాట్లాడుతూ, ఆసుపత్రికి వచ్చే రోగులు మరియు వారి తోడోళ్లకు ప్రతిరోజు ఉచితంగా భోజనం అందజేయబడతుందని తెలిపారు. ఈ పథకం ద్వారా ఆర్థికంగా బలహీనంగా ఉన్న రోగులకు మద్దతు లభిస్తుందని అభిప్రాయపడ్డారు.
అనంతరం ఎమ్మెల్యే శ్రీహరి డయాలసిస్ కేంద్రాన్ని సందర్శించారు. అక్కడ చికిత్స పొందుతున్న రోగులతో మాట్లాడి వారి ఆరోగ్య పరిస్థితిని అడిగి తెలుసుకున్నారు. గతంలో డయాలసిస్ కోసం రోగులు జిల్లా ఆసుపత్రికి వెళ్లాల్సి వచ్చిందని, అయితే ఇప్పుడు మక్తల్ లోనే అన్ని సౌకర్యాలు కల్పించామని పేర్కొన్నారు. ఈ పథకం ప్రారంభంతో రోగులకు ఆహార భద్రతతో పాటు మెరుగైన వైద్యం అందే అవకాశం ఏర్పడిందని స్థానికులు హర్షం వ్యక్తం చేశారు.
|
|