రాంపుర్ గ్రామంలో సీసీ కెమెరాల ఏర్పాటు.. నేరాల నిరోధానికి ముందడుగు
Telangana Telugu | Suryaa Desk | Published : Thu, Jun 26, 2025, 01:58 PM
పిట్లం మండలంలోని రాంపూర్(కాలనీ) గ్రామంలో గురువారం గ్రామస్తుల సహకారంతో సీసీ కెమెరాలను ఏర్పాటు చేశారు. ఈ కార్యక్రమంలో పిట్లం ఎస్ఐ రాజు పాల్గొని మాట్లాడారు. గ్రామంలో భద్రతా పరిరక్షణను బలోపేతం చేయడానికి సీసీ కెమెరాల ఏర్పాటు అనేది ఒక మంచి అడుగు అని ఆయన అన్నారు.
ఈ సందర్భంగా ఎస్ఐ రాజు మాట్లాడుతూ, "ఒక్క సీసీ కెమెరా 100 మంది పోలీసులతో సమానం" అంటూ అన్నారు. సాంకేతిక పరిజ్ఞానాన్ని వినియోగించుకుని గ్రామ భద్రతను మెరుగుపరచుకోవడం అవసరమని, ప్రతి ఇంటి ముందు కనీసం ఒక కెమెరా ఉండాలన్నదే వారి సూచన. కెమెరాల ద్వారా నేరాల పర్యవేక్షణ సులభం అవుతుందని తెలిపారు.
గ్రామస్తులు తమ సొంత ఖర్చులతో ముందుకు రావడం అభినందనీయమని ఎస్ఐ రాజు ప్రశంసించారు. నేటి కాలంలో సీసీ కెమెరాలు సామాన్య ప్రజల రక్షణకై కీలక హథియారంగా మారాయని, ఇతర గ్రామాలు కూడా రాంపూర్ ను ఆదర్శంగా తీసుకోవాలని సూచించారు. గ్రామస్థాయి నుండి భద్రతాపరమైన చైతన్యం పెరగడం హర్షణీయమని అన్నారు.
|
|