ఈ వస్తువులపై 50 శాతం ఆఫర్..లులు మాల్‌లో భారీ డిస్కౌంట్ సేల్స్

హైదరాబాద్ నగరవాసులకు మరో గొప్ప షాపింగ్ ఫెస్టివల్ అందుబాటులోకి వచ్చింది. కేపీహెచ్‌బీ కాలనీలోని ప్రఖ్యాత లులు మాల్ ఈ నెల జూలై 3వ తేదీ అంటే నేటి నుంచి 6వ తేదీ వరకు ఆకర్షణీయమైన ఆఫర్లతో వినియోగదారులను ఆకట్టుకునేందుకు సిద్ధమైంది. వివిధ వస్తువులపై ఏకంగా 50 శాతం వరకు డిస్కౌంట్లు అందిస్తున్నట్టు నిర్వాహకులు ప్రకటించారు.

డిస్కౌంట్ల వివరాలు..

ఈ ప్రత్యేక డిస్కౌంట్లు ముఖ్యంగా హైపర్ మార్కెట్, ఫ్యాషన్ స్టోర్, ఎలక్ట్రానిక్స్ విభాగాల్లో ప్రధాన ఆకర్షణీయంగా నిలవనున్నాయి. ఫ్యాషన్ విభాగంలో.. ట్రెండీ దుస్తులు, ఫుట్ వేర్, స్పోర్ట్స్ వేర్, బ్యాగులు, యాక్సెసరీస్‌లపై భారీ తగ్గింపులు ఉన్నాయి. ఎలక్ట్రానిక్స్ విభాగంలో.. టీవీలు, మొబైల్స్, ల్యాప్‌టాప్స్, కిచెన్ అప్లయన్సెస్, స్పీకర్లు వంటి పలు గాడ్జెట్లపై ప్రత్యేక డీల్స్ అందుబాటులో ఉంటాయి.

వీటితో పాటు, గృహోపయోగ వస్తువులు, రోజువారీ అవసరాల సామాన్లు, ఫుడ్ ఐటమ్స్‌పై కూడా ప్రత్యేక తగ్గింపులు అందిస్తున్నారు.ఈ ఆఫర్ల నేపథ్యంలో, లులు మాల్‌కి వచ్చే సందర్శకుల సంఖ్య గణనీయంగా పెరుగుతుందని అంచనా వేస్తున్నారు. ఇప్పటికే సోషల్ మీడియాలో ఈ డిస్కౌంట్ వార్తలు వైరల్ అవుతున్నాయి. యువత, గృహిణులు, షాపింగ్ ప్రియులు ఈ తగ్గింపులను సద్వినియోగం చేసుకోవడానికి ఉత్సాహంగా ఎదురుచూస్తున్నారు.

ఈ భారీ డిస్కౌంట్లు కేవలం జూలై 3వ తేదీ నుంచి 6వ తేదీ వరకు మాత్రమే అందుబాటులో ఉంటాయి. కాబట్టి షాపింగ్ చేయాలనుకునే వారు ఆలస్యం చేయకుండా, ముందుగానే మాల్‌ను సందర్శించడం మంచిది. దాదాపు 50 శాతం వరకు డిస్కౌంట్ సేల్ నడుస్తున్నట్లు నిర్వాహకులు పేర్కొన్నారు. లూలూ మాల్‌లో ఫుడ్ కోర్ట్, కిడ్స్‌ప్లే జోన్, సినిమా థియేటర్ వంటి ఎంటర్‌టైన్‌మెంట్ సౌకర్యాలు కూడా ఉన్నాయి. కాబట్టి.. కుటుంబంతో కలిసి షాపింగ్, వినోదం, భోజనం వంటి అన్ని కార్యకలాపాలను ఒకే చోట పూర్తి చేసుకునే చక్కని అవకాశం ఇది. మాల్ రోజూ ఉదయం 8 గంటల నుంచి రాత్రి 11 గంటల వరకు తెరిచి ఉంటుంది.

కేపీహెచ్‌బీ లులు మాల్ తీసుకొచ్చిన ఈ ఆఫర్ మీ పర్సుపై భారం తగ్గించడమే కాకుండా, మంచి బ్రాండ్లను అతి తక్కువ ధరకు పొందే అద్భుత అవకాశాన్ని కలిగిస్తోంది. ఈ ప్రత్యేక ఆఫర్లను వదులుకోకుండా సద్వినియోగం చేసుకోవాలని నిర్వాహకులు చెబుతున్నారు. ఇప్పటికే తన సోషల్ మీడియాలో ఖాతాల్లో ఈ ఆఫర్స్‌కు సంబంధించి వివరాలను నిర్వాహకులు పోస్టులు చేశారు.