హైదరాబాద్‌లో భారీ వర్షాలు.. నగరం మునిగే ప్రమాదం

హైదరాబాద్ నగరంలో మరోసారి వర్షాలు దంచికొడుతున్నాయి. జూబ్లీహిల్స్, బంజారాహిల్స్, హైటెక్ సిటీ, జీడిమెట్ల, కుత్బుల్లాపూర్, ఐకియా సెంటర్, పంజాగుట్ట, కూకట్పల్లి, అమీర్పేట్ వంటి పలు ప్రాంతాలలో గత కొన్ని గంటలుగా వర్షం కురుస్తోంది. ఈ వర్షాల కారణంగా రోడ్లపై నీరు నిలిచి, ట్రాఫిక్ జామ్‌లు సంభవిస్తున్నాయి. నగరవాసులు ఈ ఆకస్మిక వర్షాలతో ఇబ్బందులు ఎదుర్కొంటున్నారు.
తెలంగాణ రాష్ట్ర వ్యాప్తంగా వాతావరణ శాఖ భారీ నుంచి అతి భారీ వర్షాల హెచ్చరిక జారీ చేసింది. హైదరాబాద్‌లో కూడా రాబోయే రోజుల్లో భారీ వర్షాలు కురిసే అవకాశం ఉందని అధికారులు తెలిపారు. ఈ నేపథ్యంలో నగరంలోని డ్రైనేజీ వ్యవస్థను సమీక్షించి, నీటి నిల్వలను తొలగించేందుకు అధికారులు చర్యలు చేపట్టారు. అత్యవసర సేవల బృందాలు సైతం అప్రమత్తంగా ఉన్నాయి.
వర్షాల కారణంగా నగరంలోని తక్కువ ఎత్తు ప్రాంతాల్లో నీరు నిలిచే అవకాశం ఉందని, ఇది స్థానికులకు మరింత ఇబ్బందులు కలిగించవచ్చని అధికారులు హెచ్చరిస్తున్నారు. ప్రజలు అత్యవసరం లేనిదే బయటకు రాకుండా జాగ్రత్తలు తీసుకోవాలని సూచిస్తున్నారు. అలాగే, వర్షం కారణంగా విద్యుత్ సరఫరాలో అంతరాయం ఏర్పడే అవకాశం ఉందని, దీనికి సంబంధించిన సమస్యలను వేగంగా పరిష్కరిం. 
రాబోయే రోజుల్లో వర్షాల తీవ్రత మరింత పెరిగే అవకాశం ఉందని వాతావరణ శాఖ అంచనా వేస్తోంది. ఈ నేపథ్యంలో నగర పాలక సంస్థలు, పోలీసు శాఖ, అగ్నిమాపక శాఖలు సమన్వయంతో పనిచేస్తూ ప్రజల భద్రతను కాపాడేందుకు సన్నద్ధమవుతున్నాయి. ప్రజలు కూడా వాతావరణ హెచ్చరికలను పాటిస్తూ, సురక్షితంగా ఉండేందుకు అవసరమైన జాగ్రత్తలు తీసుకోవాలని అధికారులు కోరుతున్నారు.