"బీఎహెచ్ఎల్ ఉద్యోగ నోటిఫికేషన్ రిలీజ్.. నిరుద్యోగులకు గోల్డెన్ ఆఫర్"

ప్రఖ్యాత భారత్ హెవీ ఎలక్ట్రానిక్స్ లిమిటెడ్ (BHEL) నిరుద్యోగులకు శుభవార్త అందించింది. దేశంలో అగ్రగామి ఇంజనీరింగ్ & తయారీ సంస్థల్లో ఒకటైన ఈ సంస్థలో ఖాళీలను భర్తీ చేయడానికి తాజాగా ఉద్యోగ నోటిఫికేషన్ విడుదలైంది. ఈసారి మొత్తం 515 పోస్టులు భర్తీ చేయనున్నారు. అర్హత కలిగిన అభ్యర్థులు ఈ అవకాశాన్ని కోల్పోకుండా సద్వినియోగం చేసుకోవాలని సూచించారు.ఉద్యోగార్థులకు మరో శుభవార్త ఏమిటంటే, ఈ నోటిఫికేషన్‌కు దరఖాస్తు గడువును కూడా పొడిగించారు. ప్రభుత్వ రంగంలో శాశ్వత ఉద్యోగం, ఆకర్షణీయమైన జీతభత్యాలు, పింఛన్, మెడికల్ సౌకర్యాలు, ఇన్సూరెన్స్ వంటి అనేక ప్రయోజనాలు ఈ ఉద్యోగాలకు లభిస్తాయని సంస్థ స్పష్టం చేసింది.ఈ ఖాళీలలో ఫిట్టర్ 176, వెల్డర్ 97, టర్నర్ 51, ఎలక్ట్రీషియన్ 65, మెకానిస్ట్ 104, ఫౌండ్రీ మాన్ 4, అలాగే ఎలక్ట్రానిక్ మెకానిక్ 18 పోస్టులు ఉన్నాయి. ఈ ఉద్యోగాలకు కనీస విద్యార్హతగా 10వ తరగతి మరియు ITI పాస్ కావాలి. వయస్సు పరిమితి గరిష్టంగా 27 సంవత్సరాలుగా నిర్ణయించారు. అయితే కేటగిరీల వారీగా వయస్సు సడలింపులు కూడా ఉంటాయి. ఓబీసీ అభ్యర్థులకు 3 సంవత్సరాలు, ఎస్సీ/ఎస్టీ అభ్యర్థులకు 5 సంవత్సరాలు, దివ్యాంగులకు 10 సంవత్సరాల వరకు వయస్సు సడలింపు వర్తిస్తుంది.జీతభత్యాల విషయానికి వస్తే, ఎంపికైన అభ్యర్థులకు నెలకు ₹29,500 నుంచి ₹65,000 వరకు వేతనం లభిస్తుంది. దరఖాస్తులు ఇప్పటికే ప్రారంభమయ్యాయి. చివరి తేదీగా సెప్టెంబర్ 12, 2025 నిర్ణయించారు.ఎంపిక విధానం కూడా దశలవారీగా ఉంటుంది. ముందుగా లిఖిత పరీక్ష నిర్వహించబడుతుంది. తర్వాత ట్రేడ్ లేదా స్కిల్ టెస్ట్, ఆపై డాక్యుమెంట్ వెరిఫికేషన్ జరుగుతుంది. చివరగా మెరిట్ లిస్ట్ ఆధారంగా అభ్యర్థులను ఎంపిక చేస్తారు.దరఖాస్తు చేయదలచిన వారు BHEL అధికారిక వెబ్‌సైట్ https://bhel.com ద్వారా ఆన్‌లైన్‌లో అప్లై చేయాలి. దరఖాస్తు చేసేముందు పూర్తి నోటిఫికేషన్‌ను జాగ్రత్తగా చదవడం తప్పనిసరి. రిజిస్ట్రేషన్ పూర్తయిన తర్వాత హార్డ్ కాపీని భద్రపరచుకోవాలని సంస్థ సూచించింది.