హైదారాబాదీలకు అలర్ట్.. సెప్టెంబర్ 9, 10 తేదీల్లో నీళ్లు బంద్

హైదరాబాద్ మహానగరంలోని ప్రజలకు అధికారులు కీలక అలర్ట్ జారీ చేశారు. నగరంలోని పలు ప్రాంతాల్లో రానున్న రెండు రోజుల అంటేసెప్టెంబర్ 9, 10 తేదీల్లో మంచి నీటి సరఫరాకు అంతరాయం ఏర్పడనుందని తెలిపారు. దీని గురించి తాజాగా హైదరాబాద్ మెట్రోపాలిటిన్ వాటర్ సప్లై ఆండ్ సీవరేజ్ బోర్డ్ ( హెచ్ఎండబ్ల్యూఎస్ఎస్‌బీ ) ప్రకటన చేసింది. మరమ్మతు పనులకోసం దాదాపు రెండ్రోజుల పాటు (48 గంటలు) నగరంలోని పలు ప్రాంతాల్లో నీటి సరఫరా నిలిపివేస్తున్నట్లు ప్రకటించారు. కనుక నగర వాసులు దీన్ని దృష్టిలో పెట్టుకుని.. నీటిని నిల్వ చేసుకోవడంతో పాటుగా.. పొదుపుగా వాడుకోవాలని అధికారులు తెలిపారు.

నగరంలో రానున్న మంగళవారం అనగా సెప్టెంబర్ 9న ఉదయం 6 గంటల నుండి మంచి నీటి సరఫరా నిలిచిపోతుందని తెలిపారు. మళ్లీ 48 గంటల తర్వాతనే అనగా సెప్టెంబర్ 11, గురువారం నాడు తిరిగి నీళ్లు వస్తాయని ప్రకటించారు. 11వ తేదీ ఉదయం 6 గంటల వరకు గోదావ‌రి డ్రింకింగ్ వాట‌ర్ స‌ప్లై పేజ్-1 మరమ్మతు పనులు కొనసాగుతాయని హెచ్ఎండబ్ల్యూఎస్ఎస్‌బీ ప్రకటించింది. దీని కిందకు వచ్చే ఏరియాల్లో నీటి సరఫరా ఆగిపోతుందని.. తిరిగి గురువారం ఉదయం ఆరు గంటల తర్వాత నుంచి మంచి నీటి సరఫరా తిరిగి ప్రారంభం అవుతుందని ప్రకటించారు.

అయితే మరమ్మతు పనులు చేయడంలో ఆలస్యం అయితే నీటి సరఫరా మరింత ఆలస్యం అయ్యే అవకాశం ఉంటుందని తెలిపారు. కాబట్టి నగర వాసులు రానున్న సోమవారం నాడు అనగా సెప్టెంబర్ 8న ఉదయం వాటర్ వచ్చినప్పుడే ఆ తర్వాత రెండు, మూడు రోజులకు సరిపడా నీటిని పట్టి నిల్వ ఉంచుకోవడం మంచిదంటున్నారు. అలానే సెప్టెంబర్ 9-11వ తేదీ ఉదయం వరకు నీటిని పొదుపుగా వాడుకోవాలని తెలిపారు.

న‌గరానికి తాగునీరు స‌ర‌ఫ‌రా చేస్తున్న గోదావ‌రి పేజ్-1 ప‌థ‌కంలో అధికారులు రిపేరింగ్ పనులు చేపడుతున్నారు. దీని వల్లే నీటి సరఫరా నిలిపి వేస్తున్నట్లు అధికారులు ప్రకటించారు. ఎస్సార్ నగర్, సనత్ నగర్, బంజారాహిల్స్, సోమాజీగూడ, బోరబండ, బంజారాహిల్స్, ఎర్రగడ్డ, ఎస్పీఆర్ హిల్స్, వెంగళరావు నగర్, యెల్లారెడ్డిగూడ, సోమాజిగూడ, జుబ్లీహిల్స్‌, తట్టిఖానా, లాలాపేటలోని కొన్ని ప్రాంతాలతో పాటుగా.. కొండాపూర్, మాదాపూర్‌లోని కొన్ని ప్రాంతాలు, గచ్చిబౌలి, నిజాంపేట, బాచుపల్లితో పాటు మరి కొన్ని ఏరియాల్లో నీటి సరఫరా నిలిచిపోనుంది. అలానే గ్రామీణ నీటి సరఫరా (ఆర్‌డబ్ల్యూఎస్‌) ఆఫ్‌టేక్స్‌ పరిధిలోని ఆలేర్‌, ఘన్‌పూర్‌ ప్రాంతాల్లో కూడా నీటి సరఫరాకు అంతరాయం ఏర్పడుతుందని.. కనుక , ఆయా ప్రాంతాల ప్రజలు నీటిని పొదుపుగా వినియోగించుకోవాలి