వర్షం ప్రభావం TG: జనగాం జిల్లాలో ఆరెంజ్ అలర్ట్ జారీ
Telangana Telugu | Suryaa Desk | Published : Sat, Sep 06, 2025, 10:17 PM
TG Weather Update: మరో రెండు మూడు గంటల్లో జనగాం జిల్లాలో మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది. ఈ నేపథ్యంలో జనగాం జిల్లాకు ఆరెంజ్ అలర్ట్ జారీ చేసింది.అదేవిధంగా, ఆదిలాబాద్, హైదరాబాద్, జగిత్యాల, కామారెడ్డి, మహబూబాబాద్, మెదక్, మేడ్చల్ మల్కాజిగిరి, నల్గొండ, నిర్మల్, రాజన్న సిరిసిల్ల, రంగారెడ్డి, సంగారెడ్డి, వరంగల్, యాదాద్రి భువనగిరి జిల్లాల్లో తేలికపాటి వర్షం కురిసే అవకాశాలున్నాయి. ఈ జిల్లాలకు ఎల్లో అలర్ట్ జారీ చేసింది.రేపు (ఆదివారం)భద్రాద్రి కొత్తగూడెం, జయశంకర్ భూపాలపల్లి, కుమ్రంభీం ఆసిఫాబాద్, మహబూబాబాద్, మంచిర్యాల జిల్లాల్లో అక్కడక్కడ వర్షం కురిసే అవకాశముంది అని కేంద్రం తెలిపింది.సోమవారంఆదిలాబాద్, భద్రాద్రి కొత్తగూడెం, జయశంకర్ భూపాలపల్లి, కుమ్రంభీం ఆసిఫాబాద్, మంచిర్యాల, ములుగు జిల్లాల్లో అక్కడక్కడ వర్షం కురిసే అవకాశం ఉందని సూచించింది.మంగళవారం ఆదిలాబాద్, హైదరాబాద్, జగిత్యాల, కామారెడ్డి, కుమ్రంభీం ఆసిఫాబాద్, మంచిర్యాల, మెదక్, మేడ్చల్ మల్కాజిగిరి, నిర్మల్, నిజామాబాద్, రాజన్న సిరిసిల్ల, రంగారెడ్డి, సంగారెడ్డి, వికారాబాద్ జిల్లాల్లో అక్కడక్కడ వర్షం కురిసే అవకాశం ఉంది. అలాగే, గంటకు 30–40 కిమీ వేగంతో ఈదురుగాలులు వీచే అవకాశం ఉందని హెచ్చరించింది.ఈ నేపథ్యంలో, వాతావరణ శాఖ సురక్షితంగా ఉండేలా, అవసరమైన జాగ్రత్తలు తీసుకోవాలని సూచించింది.
|
|