ట్రెండింగ్
పట్టపగలే వృద్ధురాలు మెడలో పుస్తెలతాడు చోరీ
Telangana Telugu | Suryaa Desk | Published : Thu, Sep 11, 2025, 03:07 PM
జగిత్యాల రూరల్ మండలం పొరండ్ల గ్రామంలో దారుణం జరిగింది. గొల్లపల్లి వెంకవ్వ అనే వృద్ధురాలి మెడలోంచి గుర్తు తెలియని వ్యక్తులు పుస్తెలతాడును అపహరించారు. బుధవారం మధ్యాహ్నం వెంకవ్వ ఇంటి ముందు పాత్రలు కడుగుతుండగా, ద్విచక్ర వాహనంపై వచ్చిన ఇద్దరు వ్యక్తులు ఆమెను మాటల్లో పెట్టి, మెడలోంచి పుస్తెలతాడును లాక్కుని పరారయ్యారు. ఆమె కేకలు వేయడంతో స్థానికులు వారి కోసం గాలించారు. ఈ విషయం తెలుసుకున్న రూరల్ ఎస్సై సదాకర్ సంఘటనా స్థలానికి చేరుకుని సీసీ కెమెరా ఫుటేజీలను పరిశీలించారు. సీసీ టీవీలో ఇద్దరు వ్యక్తులు ద్విచక్ర వాహనంపై వచ్చినట్లు రికార్డు అయింది. పోలీసులు ఈ మేరకు కేసు నమోదు చేసి దర్యాప్తు ప్రారంభించారు.
|
|