శ్మశానం స్పెషల్ రూమ్ లో పాడు పనులు

నేటి కాలంలో కొందరు యువతీయువకులు.. ప్రేమ పేరుతో వేస్తోన్న వేషాలు చూస్తే.. మనం నాగరిక సమాజంలో ఉన్నామో.. లేక అడవుల్లో బతుకుతున్నామో అర్థం కాదు. ఇదిలా ఉంటే జంతువులు కన్నా దారుణంగా.. ఎక్కడ పడితే అక్కడ అసభ్యంగా ప్రవర్తించే కామాంధుల సంఖ్య రోజు రోజుకు పెరుగుతోంది. బైక్ మీద, కార్లలో అసభ్యంగా ప్రవర్తిస్తూ.. సభ్య సమాజం సిగ్గుతో తలవంచుకునేలా చేస్తున్నారు. ఒకప్పుడు నిర్మానుష్య ప్రదేశాలు, పాడుబడ్డ బంగ్లాలు, ఇళ్లకు మాత్రమే పరిమితమైన పాడు పనులను ఇప్పుడు నడి రోడ్డు మీద.. ఏమాత్రం సిగ్గు, భయం లేకుండా కానిచ్చేస్తున్నారు.

మెట్రో రైల్, బస్సు, రైల్వే స్టేషన్, షాపింగ్ మాల్ ఇలా ఒక్కటేంటి.. ప్రతి చోట కామంతో కళ్లు మూసుకుపోయి ప్రవర్తిస్తున్న వారి సంఖ్య రోజు రోజుకు పెరుగుతోంది. నలుగురు చూస్తున్నారు అనే ఇంగితం మరిచిపోయి.. చిత్త కార్తె కుక్కల్లాగా జనసమూహాల మధ్యలోనే విచ్చలవిడిగా ప్రవర్తిస్తున్న వారి సంఖ్య ఈమధ్య కాలంలో బాగా పెరిగి పోతుంది. ఇప్పుడు ఇక్కడ చెప్పుకోబోయే జంట.. ఇంకో అడుగు ముందుకు వేసి.. శ్మశానంలో దుకాణం తెరిచారు. శవాలను పూడ్చే స్థలంలో ఏమాత్రం భయం లేకుండా సరసాలు ఆడుకుంటున్నారు. తాజాగా పోలీసుల తనిఖీల్లో ఈ చండాలం బయటకు వచ్చింది. ఆ వివరాలు..

బేగంపేటలోని ధనియాల గుట్ట శ్మశాన వాటికలో అత్యంత చండాలమైన సంఘటన వెలుగు చూసింది. ఇన్నాళ్లూ నిర్మానుష్య ప్రదేశాలు, ఖాళీగా ఉన్న బంగ్లాలు, ఇళ్లలో పాడు పనులు కానిచ్చేవారు. ఇప్పుడు ఓ అడుగు ముందుకు వేసి శవాలను పూడ్చే తావులో కూడా విచ్చలవిడిగా ప్రవర్తిస్తున్నారు. సమాధుల మధ్య.. సరసాలు ఆడుకుంటున్నారు. శవాలను పూడ్చే స్థలంలోనే సరసాలు సాగిస్తూ పోలీసులకు చిక్కారు. నార్త్ జోన్ టాస్క్ ఫోర్స్ పోలీసులు తనిఖీలు చేయగా ఈ విషయం బయటపడింది.

బేగంపేటలోని ధనియాల శ్మశానంలో ఉన్న గదిలో ఓ జంట అసభ్యంగా ప్రవర్తిస్తూ పోలీసుల కంట పడ్డారు. దీంతో ఒక మహిళ, విటుడికి పోలీసులు నోటీసులు జారీ చేశారు.. అంతేకాకుండా శ్మశాన నిర్వాహకురాలు మాధవిని అరెస్టు చేసి బేగంపేట పోలీసులకు అప్పగించారు. గతంలో మాధవి మీద బోయినపల్లిలో కూడా కేసు నమోదైందని తెలిసింది. విషయం తెలిసిన వారు మీకిదేం పోయేకాలం.. ఆఖరికి శ్మశానాన్ని కూడా వదలరా.. మీ కక్కుర్తి పాడుగాను.. మీ కన్నా  జంతువులు చాలా నయం అంటూ కామెంట్స్ చేస్తున్నారు. ఇలాంటి వారి మీద కఠిన చర్యలు తీసుకోవాలని డిమాండ్ చేస్తున్నారు.