హైదరాబాద్ యువతి రాపిడో కష్టాలు,,,యువకుడి నిర్లక్ష్యపు డ్రైవింగ్

రాపిడో వంటి బైక్ ట్యాక్సీ డ్రైవర్లు నిర్లక్ష్యపు డ్రైవింగ్‌కు పాల్పడుతున్నారు. ప్రయాణికుల భద్రతను పణంగా పెడుతూ చాలా మంది డ్రైవర్లు బైక్ నడుపుతున్నప్పుడు ఫోన్‌లో మాట్లాడుతూ, మెసేజ్‌లు చూస్తూ నిర్లక్ష్యంగా వ్యవహరిస్తున్నారు. తాజాగా హైదరాబాద్ నగరానికి చెందిన ఒక యువతి రాపిడో సర్వీస్ గురించి, డ్రైవర్ నిర్లక్ష్యం గురించి ట్విట్టర్‌లో తన ఆవేదను పంచుకున్నారు. ఆమె చెప్పిన మాటలు రాపిడో వంటి టూ-వీలర్ క్యాబ్ సర్వీసులలోని భద్రతా లోపాలను, డ్రైవర్ల నిర్లక్ష్యాన్ని స్పష్టంగా తెలియజేస్తున్నాయి. చాలామంది ప్రయాణికులు ఇలాంటి చేదు అనుభవాలను ఎదుర్కొంటున్నారు.

'ఈరోజు కాస్త ఒంట్లో బాలేదు. నా స్కూటీ ఇంట్లో పెట్టి.. రాపిడో బుక్ చేసుకున్నాను. నా కర్మ కొద్దీ ఇతను వచ్చాడు. అతనికి హెల్మెట్ లేదు, కేర్ లేదు. రాష్ డ్రైవింగ్, ఫోన్ మాట్లాడుతూ వెళ్తున్నాడు. రాంగ్ రూట్‌లో వెళ్లకండి.. యూ టర్న్ చేసుకోండి అంటే కోపంతో ఇంకా స్పీడ్‌గా వెళ్లాడు. మీరు ఎప్పుడైనా ఇలాంటి రాపిడో సర్వీస్ ఫేస్ చేసారా?' అంటూ రాసుకొచ్చింది.

రాపిడో సంస్థ నిర్దేశించిన నిబంధనల ప్రకారం డ్రైవర్, ప్రయాణికుడికి హెల్మెట్ తప్పనిసరి. కానీ చాలా మంది డ్రైవర్లు దీనిని పాటించడం లేదు. ఈ యువతి విషయంలో కూడా ఇదే జరిగింది. డ్రైవర్ హెల్మెట్ ధరించకపోవడమే కాకుండా.. ప్రయాణికురాలికి కూడా హెల్మెట్ ఇవ్వలేదు. ఇది భద్రతా ప్రమాణాల ఉల్లంఘన మాత్రమే కాదు, ప్రమాదాలకు దారితీసే నిర్లక్ష్యం కూడా. రాష్ డ్రైవింగ్, ఫోన్‌లో మాట్లాడుతూ వాహనం నడపడం, ప్రయాణికుల సూచనలను పట్టించుకోకపోవడం వంటివి డ్రైవర్ల నిర్లక్ష్యానికి నిదర్శనం. ఈ యువతి విషయంలో డ్రైవర్ ఫోన్ మాట్లాడుతూ వాహనం నడపడం, సరైన మార్గంలో వెళ్లమని చెప్పినందుకు కోపంతో వేగం పెంచడం వంటివి మరింత దారుణం.

రాపిడో వంటి సంస్థలు డ్రైవర్లకు సరైన శిక్షణ ఇవ్వకపోవడం, భద్రతా ప్రమాణాలను కఠినంగా అమలు చేయకపోవడం వల్ల ఇలాంటి సంఘటనలు జరుగుతున్నాయి. ప్రయాణికుల భద్రతకు ప్రాధాన్యత ఇవ్వకపోతే, రాపిడో సర్వీసులు విశ్వసనీయతను కోల్పోతాయి. ఈ సంఘటనపై సంస్థ స్పందించి, తగిన చర్యలు తీసుకోవాలని నెటిజన్లు డిమాండ్ చేస్తున్నారు. ఇలాంటి వెధవల వల్లే కష్టపడి రాపిడో నడుపుకునే వారికి చెడ్డపేరు వస్తుందని అంటున్నారు. రాపిడో లాంటి సంస్థలు భవిష్యత్తులో ఇలాంటి సంఘటనలు జరగకుండా, డ్రైవర్లకు కఠినమైన నిబంధనలు విధించి, వాటిని తప్పనిసరిగా అమలు చేయాల్సిన అవసరం ఉంది. లేకపోతే ప్రయాణికుల ప్రాణాలకే ప్రమాదం.