బెట్టింగ్ యాప్లపై ఉక్కుపాదం: మూడు రాష్ట్రాల్లో సీఐడీ అనూహ్య ఆపరేషన్
Telangana Telugu | Suryaa Desk | Published : Wed, Sep 24, 2025, 10:05 PM
తెలంగాణ సీఐడీ ఆధ్వర్యంలో బెట్టింగ్ యాప్లపై ఉక్కుపాదం మోపబడింది. ఇవాళ దేశవ్యాప్తంగా తెలంగాణ సీఐడీ సంచలన ఆపరేషన్ను చేపట్టింది. గుజరాత్, రాజస్థాన్, పంజాబ్ రాష్ట్రాల్లోని ఆరు ప్రాంతాల్లో ఈ దాడులు నిర్వహించినట్లు సీఐడీ అడిషనల్ డీజీపీ చారు సిన్హా తెలిపారు.ఆరు ప్రత్యేక బృందాలతో ఈ ఆపరేషన్ను నిర్వహించి 8 మంది ఆపరేటర్లను అరెస్టు చేసినట్లు ఆమె వెల్లడించారు. Taj0077, Fairplay, Andhra365, Vlbook, Telugu365, Yes365 వంటి యాప్లు నిర్వహిస్తున్నట్లు గుర్తించారు.ఈ యాప్ల ద్వారా అంతర్రాష్ట్ర స్థాయిలో భారీగా బెట్టింగ్ వ్యాపారం సాగుతుందని సీఐడీ గుర్తించింది. దాడుల్లో పలు హార్డ్వేర్ పరికరాలు, బ్యాంకు అకౌంట్ వివరాలు, ఫోన్ నంబర్లు, ఈమెయిల్ ఐడీలు స్వాధీనం చేసుకున్నారు. కొన్ని బ్యాంకు ఖాతాలను ఫ్రీజ్ చేసినట్లు అధికారులు వెల్లడించారు.ప్రధాన సూత్రధారులు విదేశాల్లో కార్యకలాపాలు నడిపిస్తున్నట్లు సీఐడీ గుర్తించింది. మిగతా నిందితుల కోసం సిట్ ప్రత్యేక బృందాలు గాలింపు చర్యలు ముమ్మరంగా చేపట్టాయని సీఐడీ అధికారులు తెలిపారు.
|
|