OG టికెట్ రేట్లు తగ్గాయా? – తెలంగాణలో కొత్త టాక్స్ అప్డేట్!

అనేక చర్చలు, వివాదాలు, కోర్టు కేసుల తర్వాత, చివరకు తెలంగాణ ప్రభుత్వం OG (ఒరిజినల్ గ్యాంగ్‌స్టర్) సినిమా టికెట్ రేట్లపై కీలక నిర్ణయం తీసుకున్నట్లు తెలుస్తోంది.సినిమా విడుదలకు ముందు, OG చిత్రానికి ప్రత్యేకంగా టికెట్ ధరలు పెంచేందుకు నిర్మాతలు ప్రభుత్వం అనుమతి కోరగా, దానికి ప్రభుత్వం అంగీకరిస్తూ ఒక జీవో (G.O) జారీ చేసింది. అయితే ఆ జీవోను తెలంగాణ హైకోర్టు తాత్కాలికంగా సస్పెండ్ చేసింది.అయినప్పటికీ, కొన్ని ప్రాంతాల్లో పెంచిన రేట్లకే టికెట్లు అమ్మకాలు జరిగినట్లు సమాచారం. తాజా పరిణామాల్లో, ప్రభుత్వం అత్యవసరంగా ఒక ఆర్డర్ విడుదల చేసినట్లు సమాచారం, ఇందులో ప్రభుత్వం అనుమతించిన ధరలకే టికెట్లు విక్రయించాలి అని స్పష్టం చేసింది.
ఈ కొత్త ఆదేశాల ప్రకారం:
మల్టీప్లెక్స్‌లలో టికెట్ ధర ₹295
సింగిల్ స్క్రీన్లలో బాల్కనీ ₹175, లోయర్ క్లాస్ ₹110గా నిర్ణయించారు.
ఇక ఆంధ్రప్రదేశ్‌లో కూడా OG సినిమాకి టికెట్ ధరలు పెంచేందుకు ప్రభుత్వం జీవో ఇచ్చినప్పటికీ, అక్కడ ఎవరూ కోర్టు ఆశ్రయించకపోవడం వల్ల పెంచిన ధరలకే టికెట్లు అమ్మకాలు జరిగాయి. అయితే, అక్కడ కొంతమంది డిస్ట్రిబ్యూటర్లు మరియు థియేటర్ యాజమాన్యాలు స్వచ్ఛందంగా తక్కువ ధరలకే టికెట్లు విక్రయించడం మొదలుపెట్టారు.ప్రస్తుతం తెలంగాణలో ప్రభుత్వం జోక్యం చేసుకున్న ఈ తాజా ఆర్డర్‌తో OG కలెక్షన్లు మరింత ఊపందుకునే అవకాశం ఉందని విశ్లేషకులు చెబుతున్నారు.అయితే మరో రెండు రోజుల్లో రెండు డబ్బింగ్ సినిమాలు విడుదలకు సిద్ధమవుతున్నాయి. వాటి ప్రభావం OG కలెక్షన్లపై ఎంతవరకు ఉంటుందో ఇప్పటికిప్పుడు చెప్పలేని పరిస్థితి నెలకొంది.