మరణించిన వ్యక్తుల ఆధార్ నంబర్లను రద్దుకి యూఐడీఏఐ చర్యలు
Telangana Telugu | Suryaa Desk | Published : Thu, Nov 27, 2025, 02:07 PM
దేశవ్యాప్తంగా మరణించిన వ్యక్తులకు సంబంధించిన 2 కోట్లకు పైగా ఆధార్ నంబర్లను రద్దు (డీయాక్టివేట్) చేసినట్లు భారతీయ విశిష్ట గుర్తింపు ప్రాధికార సంస్థ (యూఐడీఏఐ) బుధవారం వెల్లడించింది. ఆధార్ డేటాను ప్రక్షాళన చేయడంతో పాటు, వివరాల దుర్వినియోగాన్ని అరికట్టే లక్ష్యంతో ఈ చర్యలు చేపట్టినట్లు స్పష్టం చేసింది.గత ఏడాది జనవరి నుంచే జాతీయ సమాచార ప్రక్షాళన ప్రక్రియలో భాగంగా ఈ డీయాక్టివేషన్ ప్రక్రియ కొనసాగుతోందని యూఐడీఏఐ తెలిపింది. ఇందుకోసం రిజిస్ట్రార్ జనరల్ ఆఫ్ ఇండియా, కేంద్ర ప్రభుత్వ మంత్రిత్వ శాఖలు, వివిధ రాష్ట్ర ప్రభుత్వాల నుంచి మరణాలకు సంబంధించిన సమాచారాన్ని సేకరించి, దాని ఆధారంగా ఆధార్ నంబర్లను రద్దు చేస్తున్నట్లు వివరించింది. ఈ ప్రక్రియ ద్వారా ఆధార్ డేటాబేస్ సమగ్రతను కాపాడటమే తమ ప్రధాన ఉద్దేశమని పేర్కొంది.అంతేకాకుండా, మరణించిన వ్యక్తి కుటుంబ సభ్యులు కూడా వారి ఆధార్ నంబర్ను రద్దు చేయడానికి అవకాశం కల్పించినట్లు యూఐడీఏఐ సూచించింది.
|
|