పలు అభివృద్ధి పనులకు శంకుస్థాపన కార్యక్రమంలో పాల్గొన్న బీఆర్ఎస్ నాయకులు మాద్రి పృథ్వీరాజ్

పటాన్‌చెరు డివిజన్ పరిధిలోని వివిధ కాలనీల్లో మౌలిక వసతులను మరింత బలోపేతం చేయాలనే లక్ష్యంతో రూ.3 కోట్ల 30లక్షల అంచనా వ్యయంతో చేపట్టనున్న సీ.సీ.రోడ్డు మరియు అభివృద్ధి పనులకు శంకుస్థాపన కార్యక్రమం నిర్వహించబడింది. ఈ కార్యక్రమంలో స్థానిక శాసన సభ్యులు గూడెం మహిపాల్ రెడ్డి గారు, కార్పొరేటర్ మెట్టు కుమార్ గారితో కలిసి బీఆర్ఎస్ నాయకులు, MDR ఫౌండేషన్ కో-ఫౌండర్ మాద్రి పృథ్వీరాజ్ గారు పాల్గొని అభివృద్ధి పనులకు శ్రీకారం చుట్టారు. ఈ సందర్భంగా పృథ్వీరాజ్ గారు మాట్లాడుతూ, పటాన్‌చెరు డివిజన్‌లో అభివృద్ధి పనుల కోసం అవసరమైన నిధులు సమకూర్చడంలో సహకరించిన అధికారులకు కృతజ్ఞతలు తెలిపారు. ప్రజల అవసరాలను దృష్టిలో ఉంచుకొని ప్రణాళికాబద్ధంగా అభివృద్ధి పనులు చేపడుతున్నామని, ప్రతి కాలనీలో సమానంగా మౌలిక వసతులు అందేలా చర్యలు తీసుకుంటున్నామని ఆయన పేర్కొన్నారు. ఈ నిధులతో సీసీ రోడ్ల నిర్మాణం, డ్రైనేజీ అభివృద్ధి చేపట్టడంతో పాటు పరిసర ప్రాంతాల్లో శుభ్రత మరియు భద్రత మరింత మెరుగుపడుతుందని ఆయన వివరించారు. అభివృద్ధి పనులు పూర్తయితే కాలనీల్లో రాకపోకలు సులభమవుతాయని, వరద నీటి సమస్యకు శాశ్వత పరిష్కారం లభిస్తుందని, ప్రజల జీవన ప్రమాణాలు గణనీయంగా మెరుగుపడతాయని తెలిపారు. అభివృద్ధి ప్రక్రియలో ప్రజల భాగస్వామ్యం ఎంతో కీలకమని పేర్కొన్న పృథ్వీరాజ్ గారు, ప్రజల సూచనలు మరియు సహకారంతో పటాన్‌చెరు డివిజన్‌ను మరింత అభివృద్ధి పథంలో ముందుకు తీసుకెళ్లేందుకు కృషి చేస్తామని స్పష్టం చేశారు. ఈ కార్యక్రమంలో పటాన్‌చెరు సర్కిల్ డిప్యూటీ కమిషనర్ జ్యోతి రెడ్డి గారు, సీనియర్ నాయకులు గూడెం మధుసూదన్ రెడ్డి గారు, మార్కెట్ కమిటీ మాజీ చైర్మన్ విజయ్ కుమార్ గారు, మాజీ ఎంపీపీ యాదగిరి యాదవ్ గారు, పట్టణ ప్రముఖులు, ప్రజాప్రతినిధులు మరియు స్థానిక ప్రజలు పాల్గొన్నారు.