డ్వేన్ బ్రావో ఆకాశమే హద్దుగా... భారీ సిక్సర్..!
sports | Suryaa Desk | Published : Mon, Jul 17, 2023, 12:48 PM
వెస్టిండీస్ విధ్వంసక ఆల్ రౌండర్ డ్వేన్ బ్రావో దుమ్మురేపుతున్నాడు. అంతర్జాతీయ క్రికెట్ కు వీడ్కోలు పలికి బౌలింగ్ కోచ్ గా ఐపీఎల్ రెండో ఇన్నింగ్స్ ప్రారంభించి 40 ఏళ్లు గడిచినా తన ఆట తీరు ఏమాత్రం మారలేదని చాటి చెబుతున్నాడు. అగ్రరాజ్యం అమెరికాలో జరుగుతున్న మినీ ఐపీఎల్ అలియాస్ మేజర్ లీగ్ క్రికెట్ టోర్నీలో డ్వేన్ బ్రావో సందడి చేస్తున్నాడు. చెన్నై సూపర్ కింగ్స్ (సిఎస్‌కె)కి చెందిన టెక్సాస్ సూపర్ కింగ్స్ జట్టుకు ప్రాతినిధ్యం వహిస్తున్న డ్వేన్ బ్రావో తాజాగా ఆదివారం వాషింగ్టన్ ఫ్రీడమ్ జట్టుతో జరిగిన మ్యాచ్‌లో అజేయ అర్ధ శతకం సాధించాడు.39 బంతుల్లో 5 ఫోర్లు, 6 సిక్స్‌లతో 76 పరుగులతో అజేయంగా నిలిచాడు. అయితే ఈ మ్యాచ్‌లో అతను ఓ భారీ సిక్సర్ కొట్టాడు. మేజర్ లీగ్ క్రికెట్ టోర్నీలోనే భారీ సిక్సర్‌గా నిలిచిపోయింది. ఈ సిక్స్‌కు సంబంధించిన వీడియో ఇప్పుడు నెట్టింట వైరల్‌గా మారింది.
|
|