పోస్టాఫీసులో డిపాజిట్ చేస్తున్నారా? ఈ పథకాలకు ట్యాక్స్ పడుద్ది చూసుకోండి మరి

సామాన్య ప్రజలకు అందుబాటులో ఉండేలా కేంద్ర ప్రభుత్వం పలు రకాల చిన్న మొత్తాల పొదుపు పథకాలను అందిస్తోంది. ఈ పథకాలు పోస్టాఫీసులో అందుబాటులో ఉంటాయి. కేంద్ర ప్రభుత్వ హామీ ఉండడం, ప్రస్తుతం మంచి వడ్డీ రేట్లు కల్పిస్తున్న క్రమంలో చాలా మంది వీటిల్లో డబ్బులు దాచుకునేందుకు మొగ్గు చూపుతున్నారు. ఒకేసారి పెద్ద మొత్తంలో ఇన్వెస్ట్ చేయడం నుంచి నెల నెలా చిన్న మొత్తంలో ఇన్వెస్ట్ చేసుకునే వెసులుబాటు పోస్టాఫీసు పథకాలు కల్పిస్తున్నాయి. అయితే అన్ని పథకాలు ట్యాక్స్ ఫ్రీ కాదని గుర్తుంచుకోవాలి. కొన్ని పథకాల్లో వచ్చే వడ్డీపై ట్యాక్స్ కట్టాల్సి వస్తుంది. ఆదాయపు పన్ను చట్టంలోని సెక్షన్ 80సీ కింద కొన్నింటికి మినహాయింపులు లభించవు. పరిమితికి మించి వడ్డీ రాబడి ఉంటే మూలధనంపై పన్ను కోత అనేది పడుతుంది.

రికరింగ్ డిపాజిట్లు

పోస్టాఫీసులో నెల నెలా చిన్న మొత్తాలో డబ్బులు పొదుపు చేసేందుకు రికరింగ్ డిపాజిట్ పథకం అందుబాటులో ఉంది. అయితే ట్యాక్స్ ఫ్రీ వడ్డీ ఆదాయం సాధారణ ప్రజలకు రూ.40 వేలు లిమిట్ ఉంటుంది. ఈ పరిమితి దాటినట్లయితే ట్యాక్స్ డిడక్టెడ్ ఎట్ సోర్స్ కట్ అవుద్ది. లిమిట్ లోపు ఉంటే టీడీఎస్ వర్తించదు. అదే సీనియర్ సిటిజన్లకు అయితే ఈ లిమిట్ రూ.50 వేలుగా ఉంది.

 టైమ్ డిపాజిట్లు

ఇన్‌కమ్ ట్యాక్స్ చట్టం 1961లోని సెక్షన్ 80సీ ద్వారా 5 ఏళ్ల టైమ్ డిపాజిట్‌ పథకంలో రూ.1.5 లక్షల వరకు పన్ను మినహాయింపు ఉంటుంది. కానీ, ఏడాది, రెండేళ్లు, మూడేళ్ల టర్మ్ డిపాజిట్లకు ఎలాంటి మినహాయింపులు రావని గుర్తుంచుకోవాలి.

పోస్టాఫీసు మంథ్లీ ఇన్‌కమ్ స్కీమ్

ఈ పథకంలో పొదుపు చేసే డబ్బులపై వచ్చే వడ్డీకి మీరు ట్యాక్స్ కట్టాల్సి ఉంటుంది. సెక్షన్ 80సీ కింద పన్ను మినహాయింపులు రావు. సాధారణ ప్రజలకు ఈ లిమిట్ రూ.40 వేలు, సీనియర్లకు అయితే రూ.50 వేల వరకు ఉంటుంది.

సీనియర్ సిటిజన్ సేవింగ్స్ స్కీమ్

60 ఏళ్లు పైబడిన వారి కోసం తీసుకొచ్చిన సీనియర్ సిటిజన్ సేవింగ్స్ పథకం సెక్షన్ 80సీ కింద పన్ను మినహాయింపులు లభిస్తాయి. అయితే, వార్షిక వడ్డీ రాబడి అనేది రూ.50 వేలు లోపు ఉండాలి. లిమిట్ దాటితే టీడీఎస్ కట్ అవుతుంది.

మహిళా సమ్మానే సేవింగ్స్ సర్టిఫికెట్

ఈ పథకానికి సైతం టీడీఎస్ వర్తిస్తుంది. వడ్డీ ఆదాయం రూ.50 వేల దాటితే టే టీడీఎస్ కట్ అవుతుంది. అయితే ఇది సాధారణ ప్రజలకు రూ.40 వరకే పరిమితి ఉంటుందని గుర్తుంచుకోవాలి.

పబ్లిక్ ప్రావిడెంట్ ఫండ్

పబ్లిక్ ప్రావిడెంట్ ఫండ్ పథకానికి సైతం ట్యాక్స్ మినహాయింపులు ఉంటాయి. ఐటీ యాక్ట్ సెక్షన్ 80సీ ద్వారా ట్యాక్స్ రిబేట్ పొందవచ్చు. ఏడాదికి రూ.1.5 లక్షల మినహాయింపులు లభిస్తాయి.

నేషనల్ సేవింగ్స్ సర్టిఫికెట్

నేషనల్ సేవింగ్స్ సర్టిఫికెట్ డిపాజిట్ పథకంలో రూ.1.5 లక్షల వరకు ట్యాక్స్ ప్రయోజనాలు పొందవచ్చు. ఎన్ఎస్‌సీ స్కీమ్‌కి టీడీఎస్ వర్తించదు.

కిసాన్ వికాస్ పత్ర

కిసాన్ వికాస్ పత్ర పథకం ప్రారంభించిన మొదటి నుంచి 80సీ కింద మినహాయింపు ప్రయోజనాలు కల్పిస్తోంది కేంద్రం. అయితే, రిటర్న్స్ అనేవి పూర్తిగా ట్యాక్స్ పరిధిలోకి వస్తాయి. మెచ్యూరిటీ తర్వాత విత్ డ్రా చేసే సొమ్ముకు టీడీఎస్ వర్తించదు.