ఒలింపిక్ ప‌సిడితో జ‌కో హంగామా..
sports | Suryaa Desk | Published : Sun, Aug 25, 2024, 04:57 PM_2774.jpg)
పారిస్ ఒలింపిక్స్‌లో స్వ‌ర్ణం కొల్ల‌గొట్టిన నొవాక్ జ‌కోవిచ్ 25వ గ్రాండ్‌స్లామ్ టైటిల్ వేట‌లో ఉన్నాడు. యూఎస్ ఓపెన్‌లో డిఫెండింగ్ చాంపియ‌న్‌గా ఆడ‌నున్న జ‌కో ఆదివారం హార్డ్ కోర్టులో హంగామా చేశాడు. విశ్వ క్రీడ‌ల్లో గెలుపొందిన ప‌సిడి ప‌త‌కాన్ని మెడ‌లో వేసుకొని కోర్టులోకి వ‌చ్చాడు. అత‌డిని చూసిన అభిమానులు చ‌ప్ప‌ట్లు కొడుతూ స్వాగ‌తం ప‌ల‌క‌గా..జ‌కో అంద‌రికీ అభివాదం చేస్తూ సంద‌డి చేశాడు. ఈ వీడియో సోష‌ల్ మీడియాలో వైర‌ల్ అవుతోంది.మాజీ వ‌రల్డ్ నంబ‌ర్ 1 నొవాక్ జ‌కోవిచ్ త‌న క‌ల సాకారం చేసుకున్నాడు. విశ్వ క్రీడ‌ల్లో ఏండ్లుగా ఊరిస్తున్న బంగారు ప‌త‌కాన్ని కొల్ల‌గొట్టాడు. కెరీర్‌లో 24 గ్రాండ్‌స్లామ్స్‌తో చ‌రిత్ర సృష్టించిన జ‌కో ఎట్ట‌కేల‌కు పారిస్ ఒలింపిక్స్‌లో గోల్డ్ మెడ‌ల్ ప‌ట్టేశాడు. తొలిసారి ఒలింపిక్స్ ఫైన‌ల్ చేరిన అత‌డు.. మ‌ట్టి కోర్టులో హోరాహోరీగా సాగిన మ్యాచ్‌లో కార్లోస్ అల్క‌రాజ్‌ పై 7-6, 7-6తో అద్భుత విజ‌యం సాధించాడు.
|
|