వన్ప్లస్ ఏస్‌ 5, వన్ప్లస్ ఏస్‌ 5 ప్రో పేర్లతో రెండు కొత్త ఫోన్స్‌
Technology | Suryaa Desk | Published : Fri, Nov 15, 2024, 02:04 PM
ప్రముఖ స్మార్ట్ ఫోన్‌ తయారీ సంస్థ వన్ప్లస్ మార్కెట్లోకి కొత్త ఫోన్‌లను తీసుకొస్తున్నాయి. వన్ప్లస్ ఏస్‌ 5, వన్ప్లస్ ఏస్‌ 5 ప్రో పేర్లతో రెండు కొత్త ఫోన్‌లను తీసుకొస్తున్నారు. ఈ స్మార్ట్ ఫోన్‌కు సంబంధించి కొన్ని ఫీచర్లు నెట్టింట లీక్‌ అయ్యాయి.వీటి ప్రకారం.. ఈ రెండు స్మార్ట్ ఫోన్స్‌ను కూడా వన్ప్లస్ 13 మోడల్‌ను పోలి ఉండనున్నాయి. ముఖ్యంగా బ్యాక్‌ ప్యానల్ వన్ప్లస్ 13ని పోలి ఉండనున్నట్లు తెలుస్తోంది. వీటికి సంబంధించిన ఫొటోలు వైరల్‌ అవుతున్నాయి.ఫీచర్ల విషయానికొస్తే వన్ప్లస్ ఏస్‌ 5 ప్రో స్మార్ట్ ఫోన్స్‌లో 6500 ఎమ్‌ఏహెచ్‌ బ్యాటరీని అలాగే వన్ప్లస్ ఏస్‌ 5 ప్రో ఫోన్‌లో 5000 ఎమ్‌ఏహెచ్‌ కెపాసిటీ బ్యాటరీని ఇవ్వనున్నట్లు తెలుస్తోంది.ఇక వన్ప్లస్ ఏస్‌5 స్మార్ట్ ఫోన్‌లో స్నాప్‌డ్రాగన్‌ 8 జెన్‌ 3 ప్రాసెసర్‌ను అందించనున్నట్లు వస్తున్నాయి. ఇక వన్ప్లస్ ఏస్‌ 5 ప్రో స్మార్ట్ ఫోన్‌లో స్నాప్‌డ్రాగన్‌ 8 ఎలైట్‌ ప్రాసెసర్‌ను ఇవ్వనున్నారని సమాచారం.ఈ రెండు స్మార్ట్ ఫోన్స్‌ను వచ్చే ఏడాది ప్రారంభంలో మార్కెట్లోకి తీసుకొచ్చే అవకాశాలు ఉన్నట్లు తెలుస్తోంది. ఈ ఫోన్‌లో ట్రిపుల్ రెయిర్‌ కెమెరా సెటప్‌ను ఇవ్వనున్నారని తెలుస్తోంది. ఇక ధరకు సంబంధించి ఎలాంటి అధికారిక ప్రకటన చేయలేదు.
|
|