డంపింగ్‌ యార్డును తరలించాలి, నిధులు ఇవ్వండి
Andhra Pradesh Telugu | Suryaa Desk | Published : Fri, Nov 22, 2024, 04:06 PM
అనంతపురం అభివృద్ధికి తగిన నిధులు మంజూరు చేయాలని సీఎం చంద్రబాబు నాయుడును ఎమ్మెల్యే దగ్గు పాటి వెంకటేశ్వరప్రసాద్‌ కో రారు. ఆయన గురువారం అసెంబ్లీలోని సీఎం చాంబర్‌లో ఆయనను కలిసి వినతి పత్రం అందజేశారు. అనంత పురం నగరంలో డ్రైనేజీ సమస్య తీవ్రంగా ఉందని, దీన్ని దృష్టిలో ఉంచుకొని కేంద్ర ప్రభుత్వం సాయంతో అండర్‌ గ్రౌండ్‌ డ్రైనేజీ నిర్మాణానికి నిధులు మంజూరు చేయాలని కోరారు. భారీ వర్షాలు వచ్చినప్పుడు నడిమి వంక, మరువ వంక పరిసర ప్రాంతాల్లోని ఇళ్లల్లోకి వరద నీరు చేరడంతో ప్రజలు తీవ్ర ఇబ్బందులు ఎదుర్కొంటున్నారని సీఎం దృష్టికి తీసుకెళ్లారు.
ఆ వంకల ఇరువైపుల ప్రొ టెక్షన వాల్స్‌ నిర్మించాల్సి ఉందని, అందుకు రూ.86 కోట్లతో నివేదికలు సిద్ధం చేశామన్నారు. నిధులు మంజూరు చేయాలని కోరారు. అనంతలోని డంపింగ్‌ యార్డును ఇతర ప్రాంతానికి తరలించేందుకు స్థల కేటాయింపుతోపాటు నిధులు ఇవ్వాలని కోరారు. ఇందుకు సీఎం స్పందిస్తూ.. ప్రాధాన్యత వారీగా నిధులు కేటాయిస్తామని హామీ ఇచ్చినట్లు ఎమ్మెల్యే తెలిపారు. అలాగే అర్బన నియోజకవర్గంలో పార్టీ సభ్యత్వం నమోదుపైనా సీఎం చర్చించారు.
|
|