సెంచరీతో అదరగొట్టిన యశస్వి జైస్వాల్‌
sports | Suryaa Desk | Published : Sun, Nov 24, 2024, 08:59 AM
ఆస్ట్రేలియా గడ్డపై టీమిండియా యంగ్ బ్యాటర్ జైశ్వాల్ గర్జించాడు. తన తొలి పర్యటనలోనే సెంచరీతో చెలరేగాడు. తొలి ఇన్నింగ్స్‌లో పరుగుల ఖాతా తెరవని ఈ ప్లేయర్ రెండో ఇన్నింగ్స్‌లో మాత్రం పరుగుల వరద పారిస్తున్నాడు. ఈ క్రమంలోనే సిక్స్‌తో మూడంకెల మార్కును అందుకున్నాడు. తన కెరీర్‌‌లో నాలుగో టెస్టు సెంచరీ నమోదు చేశాడు. దీంతో భారత్ భారీ స్కోరు దిశగా సాగుతోంది.
భారత జట్టు తరఫున అరంగేట్రం చేసినప్పటి నుంచి అదరగొడుతున్న టీమిండియా యంగ్ బ్యాటర్ యశస్వి జైశ్వాల్.. ఆస్ట్రేలియాలోనూ సత్తాచాటాడు. ఆస్ట్రేలియా పర్యటనకు తొలిసారి వెళ్లిన ఈ ప్లేయర్.. అక్కడ తన తొలి టెస్టులోనే సెంచరీ బాదేశాడు. తొలి ఇన్నింగ్స్‌లో డకౌటైనా.. రెండో ఇన్నింగ్స్‌లో మాత్రం మూడంకెల మార్కును కొట్టేశాడు. పెర్త్ వేదికగా జరుగుతున్న తొలి టెస్టులో 205 బంతుల్లో శతక్కొట్టాడు. దీంతో రెండో ఇన్నింగ్స్‌లో టీమిండియా భారీ స్కోరు దిశగా సాగుతోంది.
|
|