ట్రెండింగ్
ఈ నెల 29న విశాఖలో పర్యటించనున్న ప్రధాని
Andhra Pradesh Telugu | Suryaa Desk | Published : Sun, Nov 24, 2024, 03:45 PM
ప్రధాని నరేంద్రమోదీ ఈ నెల 29న విశాఖపట్నం వస్తున్నారు. శుక్రవారం సాయంత్రం నాలుగు గంటలకు విమానాశ్రయంలోని ఐఎన్‌ఎస్‌ డేగాలో దిగి రోడ్‌ షో చేసుకుంటూ మద్దిలపాలెంలోని ఏయూ ఇంజనీరింగ్‌ కాలేజీ మైదానానికి చేరుకుంటారు. అక్కడ నుంచే అనకాపల్లి జిల్లా అచ్యుతాపురం మండలం పూడిమడకలో ఎన్‌టీపీసీ గ్రీన్‌ హైడ్రోజన్‌ ప్రాజెక్టు నిర్మాణానికి వర్చువల్‌గా శంకుస్థాపన చేస్తారు.
అనంతరం బహిరంగ సభలో ప్రజలను ఉద్దేశించి ప్రసంగిస్తారు. ప్రధాని పర్యటన, బహిరంగ సభకు సంబంధించిన ఏర్పాట్లపై చర్చించేందుకు కలెక్టర్‌ హరేంధిర్‌ ప్రసాద్‌ ఆదివారం ఉదయం 10.30 గంటలకు జిల్లా ప్రజా ప్రతినిధులతో సమావేశం ఏర్పాటు చేశారు. ప్రధాని పర్యటన పూర్తి షెడ్యూల్‌ ఇంకా రావలసి ఉంది.
|
|