ఉసిరిని ఇలా తింటే గుండె సమస్యలు, కొలెస్ట్రాల్ తగ్గడమే కాదు.. ఈ లాభాలు కూడా

ఉసిరి ఆరోగ్యానికి చాలా మంచిది. దీనిని తీసుకోవడం వల్ల ఎన్నో సమస్యలు దూరమవుతాయి. అదే విధంగా, తేనె కూడా చాలా మంచిది. దీనిని నేచురల్ షుగర్‌గా అంటారు. నేటి కాలంలో చాలా మంది తీవ్ర అనారోగ్య సమస్యలతో బాధపడతుతున్నారు. ఇందులో సాధారణ జ్వరం నుంచి పెద్ద ఆరోగ్య సమస్యల వరకూ ఎంతో మంది సమస్యలతో బాధపడుతున్నారు. వాటిని దూరం చేసుకోవాలంటే ఉసిరిని తీసుకోవాలి. అయితే, దీంతో మరిన్ని లాభాలు పొందాలంటే ఉసిరిని తేనెలో నానబెట్టి తినాలి. వీటిని తీసుకోవడం వల్ల ఎలాంటి లాభాలు ఉన్నాయి. తేనెలో ఉసిరిని ఎలా నానబెట్టాలో పూర్తి వివరాలు తెలుసుకోండి.

కావాల్సిన పదార్థాలు..

ఉసిరి 500 గ్రాములుతేనె 500 గ్రాములు

ఈ రెసిపీ కోసం ఉసిరి, తేనెని సమాన పరిమాణంలో తీసుకోవాలి.

ఎలా తయారు చేయాలి?

ముందుగా ఉసిరికాయల్ని శుభ్రంగా కడగాలి. తర్వాత వాటిని చక్కగా తడి లేకుండా తుడిచి ఆరబెట్టాలి. ఉసిరికాయల్ని ఇడ్లీ పాత్రలో వేసి కాసేపు ఉడకనివ్వండి. మరీ ఎక్కువగా అవసరం లేదు. కొద్దిగా మెత్తగా మారితే చాలు.

తర్వాత ఉసిరిని పొడుగ్గా కట్ చేసి ప్లేట్‌లో ఉంచండి. ఇప్పుడు ఓ గాజు సీసా తీసుకుని అందులో రెండు టేబుల్ స్పూన్ల తేనెని వేయండి. తర్వాత ఉసిరి ముక్కలు వేసి షేక్ చేయండి. తర్వాత మళ్లీ తేనె, కొన్ని ఉసిరిముక్కలు ఇలా పూర్తిగా వేస్తూ కలుపుతుండాలి. తర్వాత వీటిని వారం రోజుల వరకూ ఎండలో ఉంచండి. ఉదయమంతా ఎండలో ఉంచి తర్వాత రాత్రుళ్లు నీడలో ఉంచండి. దీనిని పిల్లలకి ఇచ్చినప్పుడు చక్కగా తియ్యగా ఉంటాయి. ఈ రెసిపీని హ్యాపీగా తినొచ్చు. దీంతో ఎన్నో లాభాలున్నాయి. అవేంటంటే..

లివర్ ఆరోగ్యానికి..

ఉసిరిలో హెపటోప్రొటెక్టివ్ గుణాలు ఉన్నాయి. ఇవి మీ లివర్‌లోని టాక్సిన్స్‌ని బయటికి పంపించి లివర్ ఆరోగ్యాన్ని కాపాడతాయి. దీంతో లివర్ హెల్త్ బాగుంటుంది. అందుకోసం రెగ్యులర్‌గా ఉసిరిని తినాలి.

ఇమ్యూనిటీ..

ఇమ్యూనిటీ లేకపోవడం వల్ల చాలా సమస్యలు వస్తాయి. జ్వరం, దగ్గు, జలుబు, మాటిమాటికీ సిక్ అవ్వడం జరుగుతుంది. అందుకే ఇమ్యూనిటీని పెంచుకోవాలి. దీని కోసం విటమిన్ సి ఎక్కువగా ఉన్న ఉసిరిని తింటే ఇమ్యూనిటీ పెరుగుతుంది.

ఆడవారికి..

ఆడవారికి ఈ తేనె ఉసిరి చాలా మంచిది. టీనేజ్ నుంచి తినడం మొదలుపెట్టొచ్చు. దీని వల్ల పీరియడ్స్ ప్రాబ్లమ్స్, పాలీసిస్టిక్ ఓవరీస్, యూరిన్ ఇన్ఫెక్షన్ వంటి సమస్యలు దూరమవుతాయి. దీనిని తినడం వల్ల పీరియడ్స్ రెగ్యులర్‌గా వస్తాయి. పీరియడ్స్ వచ్చినప్పుడు నొప్పి ఉండదు. వైట్ డిశ్చార్జ్ తగ్గుతుంది. మెనోపాజ్ టైమ్‌లో కాల్షియాన్ని అందించి ఎముకలు బలంగా ఉండేలా చేస్తాయి.

గుండె ఆరోగ్యానికి..

ఉసిరిలో గొప్ప గుణాలు ఉంటాయి. ఇవి కొలెస్ట్రాల్ లెవల్స్‌ని తగ్గించి గుండె ఆరోగ్యాన్ని కాపాడతాయి. రెగ్యులర్‌గా తేనెలో నానిబెట్టిన ఉసిరిని తింటే గుండె ఆరోగ్యానికి మంచిది. కొలెస్ట్రాల్ కూడా తగ్గుతుంది. అంతే కాకుండా ఇందులోని విటమిన్ సి యాంటీ ఇన్‌ఫ్లమేటరీ.. బాడీలో ఐరన్ రక్తకణాలను పెంచుతుంది. రక్తహీనత సమస్యని దూరం చేస్తుంది. రక్తంలోని టాక్సిన్స్‌ని దూరం చేస్తుంది. రక్తప్రసరణ సరిగ్గా జరిగితే గుండెజబ్బులు రాకుండా ఉండి ఆరోగ్యంగా ఉంటారు.

దృష్టి సమస్యలు..

ఉసిరిలో విటమిన్ సి ఎక్కువగా ఉంటుంది. దీనిని తినడం వల్ల దృష్ఠి సమస్యలు తగ్గుతాయి. కాటరాక్ట్స్, గ్లకోమా, వయసు సంబంధిత కంటి చూపు సమస్యలు తగ్గుతాయి. దీంతో పాటు కంటి నుండి నీరు కారడం తగ్గుతుంది. ఎదిగే పిల్లలకి తినిపించడం వల్ల కంటి సమస్యలు, దృష్టి లోపాలు వంటివి రాకుండా ఉంటాయి. వీటిని దూరం చేసేందుకు ఉసిరిని రెగ్యులర్‌గా తినండి..

జీర్ణ సమస్యలు..

ఉసిరి, తేనె కాంబినేషన్ కడుపులోని గ్యాస్టిక్ రసాలని స్టిమ్యులేట్ చేస్తాయి. దీంతో బౌల్ మూమెంట్స్ సరిగా ఉంటాయి. జీర్ణ సమస్యలు దూరమవుతాయి. గ్యాస్ట్రిక్, కడుపు నొప్పి, జీర్ణ సంబంధిత సమస్యలన్నీ దూరమవుతాయి.

బరువు తగ్గడం..

ఉసిరి, తేనె రెండింటి కాంబినేషన్ బరువుని తగ్గించడంలో కూడా హెల్ప్ చేస్తుంది. అందుకే, రెగ్యులర్‌గా వీటిని తినడం మంచిది. వీటిని తినడం వల్ల బరువు తగ్గుతారు. మరిన్ని లాభాలు కూడా ఉన్నాయి. ఇన్ని లాభాలున్న ఈ రెసిపీని సూపర్ ఫుడ్ అంటారు.