వాటర్ ట్యాంక్‌లో మట్టి చేరిందా.. లోపలికి దిగకుండానే ఇలా శుభ్రంగా క్లీన్ చేయండి

వాటర్ ట్యాంక్ క్లీన్ చేయడం చాలా కష్టంగా అనుకుంటారు. కానీ, దీనిని రెగ్యులర్‌గా క్లీన్ చేయాలి. లేదంటే భూమిలో నుంచి వచ్చే నీటిలోని మట్టి, దుమ్ము, ధూళి అడుగున చేరి నీరు మొత్తం కలుషితమవుతాయి. ఈ నీటిని వాడడం వల్ల చాలా సమస్యలొస్తాయి. ఆరోగ్యం పాడవుతుంది.

వాటర్ ట్యాంక్ క్లీన్ చేయడమంటే చాలా కష్టమైన పని. కాబట్టే, చాలా మంది దీనిని నిర్లక్ష్యం చేస్తారు. కానీ, అలా కాకుండా ఈజీగా కొన్ని టిప్స్ ఫాలో అయి వాటర్ ట్యాంక్‌ని క్లీన్ చేయొచ్చు. దీంతో గంటల తరబడి జరిగే పని నిమిషాల్లోనే పూర్తవుతుంది. మరి ఆ టిప్స్ ఏంటో తెలుసుకోండి.

వాటర్ సప్లై ఆఫ్ చేయండి..

ముందుగా వాటర్ ట్యాంక్‌కి వెళ్లే సప్లైని ఆఫ్ చేయండి. అదే విధంగా, ట్యాంక్‌లోని నీటినంతా తీసేయండి. ఇక్కడ ఓ టిప్ ఏంటంటే.. ఇంట్లోకి అవసరాలకి ముందుగానే బకెట్స్‌లో స్టోర్ చేసి పెట్టండి. వీటిని మొత్తం క్లీన్ అయి మళ్లీ ట్యాంక్ ఫిల్ చసేవరకూ వాడుకోవచ్చు. మొత్తానికైతే నీటిని ఖాళీ చేయండి.

స్క్రబ్ చేయడం..

ఇప్పుడు ఇంట్లో వాడే వాషింగ్ పౌడర్, డిటర్జెంట్ పౌడర్ వేసి కొద్దిగా స్క్రబ్ చేయండి. దీనికోసం పొడవైన చీపుర్లని వాడొచ్చు. వీలైతే అందులో కొద్దిగా బేకింగ్ సోడా కూడా కలపండి. తర్వాత ట్యాంక్‌ని మొత్తం స్క్రబ్ చేస్తూ క్లీన్ చేయండి.

బయటి నుంచే క్లీన్ చేసేందుకు..

ట్యాంక్ క్లీన్ చేయడానికి లోపల దిగాల్సిన అవసరం లేదు. ఓ గుడ్డ లేదా స్పాంజ్ తీసుకుని వైపర్‌కి పెట్టి ఆ గుడ్డ, స్పాంజికి మనం డిటర్జెంట్‌ని అప్లై చేయొచ్చు. దీంతో ట్యాంక్ లోపల మురికి, మరకలు ఉన్న చోట రుద్దండి. ఆ తర్వాత నీరు పోసి ఓ సారి కడగండి. కడిగేందుకు కింద ఉన్న నీరు మొత్తం క్లీన్ అవుతుంది.

బ్లీచింగ్ పౌడర్..

ఓ సారి క్లీన్ అయ్యాక మరోసారి బ్లీచింగ్ పౌడర్ చల్లండి. దీంతో ట్యాంక్‌లోని క్రిములు, సూక్ష్మ క్రిములు నాశనమవుతాయి. దీనికోసం మీరు ట్యాంక్‌ నీటిలో 3, 4 బ్లీచింగ్ పౌడర్ కలపాలి. దీని వల్ల నీటిలో ఉండే మురికి పోతుంది. దీని వల్ల కూడా ట్యాంక్ క్లీన్ అవుతుంది. నీరు కూడా తెల్లగా మారుతుంది.

యాసిడ్..

ఎక్కువ రోజులు మనం ట్యాంక్ క్లీన్ చేయకపోతే మట్టి పేరుకుపోతుంది. దీనిని క్లీన్ చేసేందుకు మీరు యాసిడ్ వాడొచ్చు. గోరువెచ్చని నీటిలో కొద్దిగా యాసిడ్ వేసి ట్యాంక్‌లో పోసి కాసేపు ఉంచండి. దీని వల్ల మట్టి పొర పూర్తిగా తగ్గుతుంది. ఆ తర్వాత మీరు క్లీన్ చేయొచ్చు.

వస్తువుల సాయం తీసుకోవచ్చు..

కొంతమంది ఇలా క్లీన్ చేసినా కూడా హ్యాపీగా ఫీల్ అవ్వరు. లోపల దిగితేనే క్లీన్ చేయొచ్చొనుకుంటారు. కానీ, అలా కాదు.. పొడవైన కర్ర, మాప్ కర్ర లాంటివి తీసుకుని వాటి సాయంతో రుద్దితే మరకలు తగ్గుతాయి. తర్వాత ట్యాంక్‌ని క్లీన్ చేసి ఎండలో కాసేపు ఉంచాలి. ఆ తర్వాత మళ్లీ నీటిని నింపుకోవచ్చు.