2025 టీమిండియా బిజీ బిజీ.. పూర్తి షెడ్యూల్ ఇదే

బోర్డర్ గవాస్కర్ ట్రోఫీలో నాలుగో టెస్టులో పరాజయం పాలైన భారత్.. 2024 సంవత్సరాన్ని ఓటమితో ముగించింది. ఇదే సిరీస్‌లో భాగంగా జరిగే చివరి టెస్టుతో 2025కు స్వాగతం పలకనుంది టీమిండియా. జనవరి 3 నుంచి ఈ మ్యాచ్ ప్రారంభం కానుంది. కొత్త ఏడాదితో భారత్ ఆడే తొలి మ్యాచ్ ఇదే. అయితే 2025లో భారత్.. ఎన్ని మ్యాచులు ఆడుతుంది? ఏయే జట్టుతో ఆడుతుంది? ఎప్పుడెప్పుడు ఆడుతుంది? అనే వివరాలు.. ఈ స్టోరీలో చూద్దాం..

బోర్డర్ గవాస్కర్ ట్రోఫీలో ఐదో టెస్టు జనవరి 3 నుంచి జరగనుంది. ఆస్ట్రేలియాలోని సిడ్నీ వేదికగా ఈ మ్యాచ్ జరగనుంది. ఈ మ్యాచ్ ముగిసిన వెంటనే భారత్.. ఇంగ్లాండ్‌తో పరిమిత ఓవర్ల సిరీస్ ఆడనుంది.

భారత్‌-ఇంగ్లాండ్‌ టీ20 సిరీస్ షెడ్యూల్‌

తొలి టీ20: జనవరి 22 (కోల్‌కతా)

రెండో టీ20: జనవరి 25 (చెన్నై)

మూడో టీ20: జనవరి 28 (రాజ్‌కోట్‌)

నాలుగో టీ20: జనవరి 31 (పుణె)

ఐదో టీ20: ఫిబ్రవరి 02 (ముంబై)

భారత్‌-ఇంగ్లాండ్ వన్డే సిరీస్ షెడ్యూల్‌

తొలి వన్డే: ఫిబ్రవరి 06 (నాగ్‌పూర్‌)

రెండో వన్డే: ఫిబ్రవరి 09 (కటక్‌)

మూడో వన్డే: ఫిబ్రవరి 12 (అహ్మదాబాద్‌)

ఇంగ్లాండ్‌తో సిరీస్ తర్వాత భారత జట్టు ఛాంపియన్స్ ట్రోఫీ ఆడనుంది.

ఛాంపియన్స్ ట్రోఫీలో భారత్ ఆడే మ్యాచ్‌ల షెడ్యూల్‌..

ఫిబ్రవరి 20న బంగ్లాదేశ్‌తో మ్యాచ్‌ (దుబాయ్)

ఫిబ్రవరి 23న పాకిస్థాన్‌తో మ్యాచ్‌ (దుబాయ్)

మార్చి 2న న్యూజిలాండ్‌తో మ్యాచ్‌ (దుబాయ్)

ఛాంపియన్స్ ట్రోఫీ తర్వాత ఐపీఎల్ 2025 జరగనుంది. మార్చి 14 నుంచి మే 25 వరకు ఈ టోర్నీ జరుగుతుంది.

ఆ తర్వాత ఐదు మ్యాచ్‌ల టెస్టు సిరీస్ కోసం.. టీమిండియా ఇంగ్లాండ్‌లో పర్యటించనుంది. జూన్ 20తో ఈ సిరీస్‌కు తెరలేవనుంది.

తొలి టెస్టు: జూన్ 20- 24 (లీడ్స్)

రెండో టెస్టు: జులై 2- 6 (బర్మింగ్ హోమ్)

మూడో టెస్టు: జులై 10- 14 (లార్డ్స్)

నాలుగో టెస్టు: జులై 23- 27 (మాంచెస్టర్)

ఐదో టెస్టు: జులై 31- ఆగస్టు 4 (కెన్నింగ్‌స్టన్ ఓవల్)

ఇంగ్లాండ్‌తో టెస్టు సిరీస్ తర్వాత జరిగే మ్యాచ్‌లకు సంబంధించి తేదీ, వేదిక ఖరారు కావాల్సి ఉంది. ఈ సిరీస్ తర్వాత.. స్వదేశంలో వెస్టిండీస్, దక్షిణాఫ్రికాలతో రెండేసి చొప్పున టెస్టులు ఆడనుంది భారత్. ఆ తర్వాత బంగ్లాదేశ్, ఆస్ట్రేలియాలో పర్యటించి మూడు మ్యాచ్‌ల వన్డే సిరీస్‌లో ఆడనుంది. ఆ తర్వాత దక్షిణాఫ్రికాతో స్వదేశంలో మూడు వన్డే మ్యాచ్‌లు ఆడనుంది. ఇక టీ20ల విషయానికి వస్తే.. బంగ్లాదేశ్‌లో 3 టీ20లు, ఆసియా కప్, ఆస్ట్రేలియాలో 5 టీ20లు.. స్వదేశంలో దక్షిణాఫ్రికాతో 5 టీ20 మ్యాచ్‌లు ఆడనుంది. దీంతో ఈ ఏడాది భారత్ బిజీబిజీగా గడపనుంది.