రోజూ బ్రష్ చేసినా నోటి నుంచి దుర్వాసన వస్తుందా..? ఈ చిట్కాలతో కంపు వదిలించుకోం

రోజూ బ్రష్ చేస్తున్నప్పటికీ.. శుభ్రత పాటించినప్పటికీ నోటి దుర్వాసనతో బాధపడుతున్నారా..? ఈ సమస్య చాలా మందిని వేధిస్తుంది. చాలా మంది ఎన్ని జాగ్రత్తలు తీసుకున్నా నోటి దుర్వాసన సమస్యతో బాధపడుతున్నట్టు ఫిర్యాదులు చేస్తున్నారు. నోటి దుర్వాసన కారణంగా ఎదుటి వ్యక్తి మనకి దూరంగా ఉంటాడు. ఇది ఎంతో అవమానంగా ఉంటుంది. అంతేకాకుండా నలుగురితో స్వేచ్ఛగా మాట్లాడలేని పరిస్థితి వస్తుంది.

నోటి దుర్వాసన కారణంగా ఎదుటి వ్యక్తితో అనుకున్నది మాట్లాడలేం. నోటి దుర్వాసన ఆత్మవిశ్వాసాన్ని దెబ్బతీస్తుంది. ఎవరితోనైనా మాట్లాడినప్పుడు లేదా ఎవరితోనైనా కలిసినప్పుడు చాలా ఇబ్బందులు ఎదుర్కోవాల్సి వస్తుంది. నోటి దుర్వాసన సమస్య చాలా ఇబ్బందికరంగా ఉంటుంది. నోటి దుర్వాసనను వైద్యపరంగా హాలిటోసిస్ అంటారు. నోటి పరిశుభ్రత సరిగా లేకపోవడం, చెడు బ్యాక్టీరియా వృద్ధి చెందడం వల్ల, కొన్ని ఆహారాలు తినడం, చెడు అలవాట్ల వల్ల ఈ సమస్య వస్తుంది. ఈ సమస్యకు ఎలా చెక్ పెట్టాలో ఇక్కడ తెలుసుకుందాం.

టంగ్ క్లీనర్..

చాలా మంది పళ్లు తోముకుంటే సరిపోతుందని భావిస్తారు. నాలుక శుభ్రతకు అంత ప్రాధాన్యమివ్వరు. నాలుక ఉపరితలం ఉండే బ్యాక్టీరియా, ఇతర మలినాల వల్ల దుర్వాసన వచ్చే అవకాశం ఉంది. నాలుకను సరిగ్గా క్లీన్ చేయకపోతే బ్యాక్టీరియా నోటిలో పేరుకుపోతుంది. దీని కారణంగా నోటి దుర్వాసన వస్తుంది. అందుకే టంగ్ క్లీనర్‌ సాయంతో రోజూ నాలుకను క్లీన్ చేసుకోండి. ఇలా చేయడం వల్ల మీ నోటిలో బ్యాక్టీరియా పెరగదు. దీంతో నోటి దుర్వాసనకు చెక్ పెట్టవచ్చు.

మౌత్ వాష్ వాడకం..

మౌత్ వాష్ లేదా మౌత్ క్లీనర్ అనేది నోటి శుభ్రం చేయడానికి ఉపయోగిస్తారు. ఈ రోజుల్లో మార్కెట్లో చాలా రకాల మౌత్ వాష్ లేదా మౌత్ క్లీనర్స్ అందుబాటులో ఉన్నాయి. దీని వాడకం వల్ల నోటి బ్యాక్టీరియా, ఇతర మలినాలు తొలగిపోతాయి. మౌత్ వాష్‌తో నోటిని బాగా పుక్కిలించండి. దీంతో.. నోటిలో పేరుకుపోయిన బ్యాక్టీరియా బయటకు పోతుంది. దీంతో.. నోటి నుంచి దుర్వాసన తొలగిపోతుంది.

దంతాల పరీక్ష..

దంత ఆరోగ్యాన్ని కాపాడుకోవడం చాలా ముఖ్యం. అందుకే తరుచుగా దంత పరీక్షలు చేయించుకోండి. చాలా సార్లు దంత సమస్యల కారణంగా కూడా నోటి దుర్వాసన మొదలవుతుంది. దంతాల్లో బ్యాక్టీరియా పేరుకుపోవడం, పాచి వల్ల కూడా నోరు కంపు కొడుతుంది. అందుకే ప్రతి మూడు నెలలకు ఒకసారి దంతాల పరీక్షలు చేయించుకోండి.

ఆరోగ్యకరమైన ఆహారం..

మనం తీసుకునే ఆహారం కూడా నోటి ఆరోగ్యంపై ప్రభావం చూపుతుంది. నోటి ఆరోగ్యాన్ని కాపాడుకోవడానికి ఆరోగ్యకరమైన ఆహారం తీసుకోవడం చాలా ముఖ్యం. ఏది పడితే అది తినడం వల్ల నోరు కంపు కొట్టే అవకాశం ఉంది. మసాలా ఫుడ్స్, స్పైసీ ఫుడ్స్, జంక్ ఫుడ్స్ తినడం వల్ల నోటి నుంచి దుర్వాసన వచ్చే అవకాశం ఉంది. మీ ఆహారంలో పండ్లు, తాజా కూరగాయలకు చోటు ఇవ్వండి. సమతుల్య ఆహారం వల్ల నోటి ఆరోగ్యం మెరగవుతుంది.

ధూమపానం, మద్యపానం మానుకోండి..

ధూమపానం, మద్యపానం అలవాట్లు ఉంటే వాటికి గుడ్ బై చెప్పండి. వీటికి బానిసలైతే.. వారి నుంచి దుర్వాసన వస్తుంది. నోటి దుర్వాసన గురించి ప్రత్యేకంగా చెప్పాల్సిన పనిలేదు. ఇలాంటి స్మోకింగ్, ఆల్కహాల్ వినియోగాన్ని నివారించాలి. దీంతో నోటి ఆరోగ్యం మెరగవుతుంది. దీంతో.. నోటి దుర్వాసన సమస్యను వదిలించుకోవచ్చు.

ఇవి కూడా ముఖ్యం..

* నోటి పరిశుభ్రత చాలా ముఖ్యమని గుర్తించుకోండి. రోజూకు రెండు సార్లు బ్రష్ చేయడం వల్ల నోటి ఆరోగ్యం మెరగవుతుంది. అంతేకాకుండా నాలుకను క్లీన్‌గా ఉంచుకోండి.

* నోరు పొడిబారడం వల్ల కూడా నోటి దుర్వాసన వస్తుంది. కాబట్టి రోజూ సరిపడా నీరు తాగేందుకు ప్రయత్నించండి.

* నోటి దుర్వాసనకు చెక్ పెట్టేందుకు సహజ పద్ధతులు ఫాలో అవ్వండి. యాలకులు, సోంపు గింజలు తినడం వల్ల నోటి దుర్వాసనను తగ్గించుకోవచ్చు.