ధనియాల నీటిని రెగ్యులర్‌గా తాగండి.. ఈ 5 సమస్యలకి దూరంగా ఉండండి

చాలా మంది ఆరోగ్య సమస్యలొచ్చాయంటే వాటికి మందులు వాడుతుంటారు. కానీ, వాటి బదులు ఇంట్లో కిచెన్‌లో దొరికే పదార్థాలే చాలా ఆరోగ్య సమస్యలకి చెక్ పెడతాయి. అలాంటి మసాలా దినుసుల్లో ధనియాలు కూడా ఒకటి. ఈ ధనియాలని వాడడం వల్ల చాలా ఆరోగ్య సమస్యలు దూరమవుతాయి. అందుకే, ఆయుర్వేదంలోనూ అనేక సమస్యలకి మందుగా వాడతారు. ముఖ్యంగా, ఈ ధనియాలు నానబెట్టిన నీరు ఆరోగ్యానికి చాలా మంచిది. రోజూ ఖాళీ కడుపుతో ఈ నీటిని తాగితే ఎన్నో సమస్యలకి చెక్ పెట్టొచ్చు. పరగడపున ఈ నీటిని తీసుకుంటే జీర్ణ సమస్యల దగ్గర్నుంచి ఇమ్యూనిటీ తగ్గడం వరకూ చాలా సమస్యలకి ఉపశమనం పొందొచ్చు. ఏయే సమస్యలు దూరమవుతాయో తెలుసుకోండి.

రక్తంలో చక్కెరని కంట్రోల్ చేయడానికి..

ధనియాల నీటిని రక్తంలో చక్కెర స్థాయిలను నియంత్రించడంలో కూడా ప్రభావవంతంగా పనిచేస్తుంది. ధనియాల నీటిని తీసుకోవడం వల్ల ఇన్సులిన్ చర్య పెరుగుతుందని, రక్తంలో చక్కెర కంట్రోల్ అవుతుందని అనేక పరిశోధనలు నిరూపించాయి. షుగర్ ఉన్నవారు రోజూ ఉదయం ఈ నీటిని తాగడం మంచిది.

కొత్తిమీర టీ ఎలా తయారు చేయాలి

థైరాయిడ్ ఉన్నవారికి..

ప్రజెంట్ చాలా మంది థైరాయిడ్‌తో బాధపడుతున్నారు. మీరు కూడా వారిలో ఒకరైతే, కొత్తిమీర నీరు మీకు హెల్ప్ చేస్తుండి. క్రమం తప్పకుండా కొత్తిమీర నీరు తాగితే థైరాయిడ్ లక్షణాలు తగ్గుతాయి. 1 టేబుల్ స్పూన్ కొత్తిమీర గింజల్ని రాత్రంతా నీటిలో నానబెట్టి ఉదయం తాగాలి. ఇది థైరాయిడ్ నియంత్రణలో సాయపడుతుంది. థైరాయిడ్ మందులను తీసుకున్న గంట తర్వాతే ఈ నీటిని తీసుకోవాలి.

బరువు తగ్గడం..

బరువు తగ్గాలని ప్రయత్నించేవారు.. ఈ ధనియాల నీరు తాగొచ్చు. దీని వల్ల మెటబాలిజం పెరుగుతుంది. ఇది శరీరంలోని కొవ్వుని కాలుస్తుంది. దీనిని రెగ్యులర్‌గా తాగితే శరీరంలోని టాక్సిన్స్ తొలగిపోయి బరువు తగ్గడంలో హెల్ప్ చేస్తుంది. సరైన ఆహారం, వ్యాయామంతో పాటు ఈ డ్రింక్ తాగితే త్వరగా బరువు తగ్గుతారు.

ఇమ్యూనిటీ పెరుగుతుంది..

ధనియాల గింజల్లో యాంటీ ఆక్సిడెంట్స్ ఉంటాయి. శరీరంలో ఇమ్యూనిటీని పెంచుతుంది. ప్రతిరోజూ ఉదయం పరగడపున ఈ నీటిని తీసుకుంటే అనేక రకాల ఇన్ఫెక్షన్ల నుండి శరీరాన్ని కాపాడుకోవచ్చు. ఈ ధనియాల నీటిని తాగితే శరీరంలో వ్యాధులు దూరమయ్యే సామర్థ్యం పెరుగుతుంది.

జీర్ణ వ్యవస్థకి..

కొంతమందికి అదే పనిగా గ్యాస్ట్రిక్ సమస్యలొస్తాయి. అజీర్ణం, అసిడిటీ వంటి సమస్యలు దూరమవుతాయి. ధనియాల్లో ఫైబర్, యాంటీ ఆక్సిడెంట్స్ పుష్కలంగా ఉంటాయి. కాబట్టి, ఈ నీటిని తాగితే జీర్ణ సంబంధిత సమస్యలు దూరమవుతాయి. రెగ్యులర్‌గా ఈ నీటిని తీసుకోవడం వంచిది.

ఈ నీటిని ఎలా తయారుచేసుకోవాలి..

రాత్రి పడుకునే ముందు ఓ కప్పు నీటిలో ధనియాల గింజల్ని నానబెట్టాలి. ఉదయం నిద్ర లేవగానే ఈ నీటిని వడపోసి పరగడపున తాగాలి. కొన్ని రోజుల పాటు రెగ్యులర్‌గా తీసుకోవాలి. దీని వల్ల చాలా ఆరోగ్య సమస్యలు దూరమవుతాయి.