ముఖానికి వీటిని అస్సలు రాయకుండి.. మొటిమలు, మచ్చలు తగ్గకపోగా పెరుగుతాయి

స్కిన్ మెరిసేందుకు చాలా మంది కూడా రకరకాల ప్రయత్నాలు చేస్తారు. పార్లర్స్‌కి వెళ్లడం, క్రీమ్స్ రాయడం, ఫేషియల్స్ వంటి ట్రీట్‌మెంట్ తీసుకుంటారు. అయితే, కొంతమంది ఇంటి చిట్కాలనే వాడతారు. వీటి వల్ల ఎలాంటి సైడ్ ఎఫెక్ట్స్ ఉండవు. కాబట్టి, చాలా మంది వీటిని చక్కగా వాడతారు. అయితే, తెలియక కొన్ని పదార్థాలను వాడతారు. దీని వల్ల రిజల్ట్ అప్పటికప్పుడు కనిపించినా తర్వాత స్కిన్ డ్యామేజ్ అవుతుంది. అందుకే, అలాంటి పదార్థాలు వాడకూడదు. మరి అలాంటి పదార్థాలేంటో తెలుసుకోండి.

బేకింగ్ సోడా..

బేకింగ్ సోడా కూడా స్కిన్‌కి అంత మంచిది కాదు. ముఖ్యంగా సెన్సెటీవ్ స్కిన్ అయితే, దీనిని వాడకపోవడమే మంచిది. దీనిని వాడడం వల్ల త్వరగానే స్కిన్‌పై మంటలాంటి సమస్యలు వస్తాయి. కాబట్టి, దీనిని ముఖంపై అప్లై చేయొద్దు. వీటిని రాయడం వల్ల ‌ఇన్‌స్టంట్‌గా రిజల్ట్ కనిపించినా రాన్రాను సమస్యలొస్తాయి.

ఈ టిప్స్‌తో పింపుల్స్ మాయం..

నిమ్మరసం..

నిమ్మరసంలో విటమిన్ సి, బ్లీచింగ్ గుణాలు ఉంటాయి. దీనిని ముఖంపై నేరుగా అప్లై చేస్తే ముఖంపై ఎరుపు, అలర్జీలు వస్తాయి. కాబట్టి, దీనిని నేరుగా ఎప్పుడు వాడొద్దు. వీలైతే తక్కువ పరిమాణంలో వాడండి. ప్యాక్స్‌లో కలిపి వాడండి. ముఖ్యంగా, సెన్సెటీవ్ స్కిన్ అయితే వాడకపోవడమే మంచిది.

ఎసెన్షియల్ ఆయిల్..

ఎసెన్షియల్ ఆయిల్‌ని కూడా నేరుగా ముఖంపై అప్లై చేయొద్దు. దీనిని కొద్దిగా కొబ్బరి, జొజొబా, బాదం నూనె వంటి క్యారియర్ ఆయిల్‌లో కలిపి ముఖానికి అప్లై చేయాలి. నేరుగా ఎప్పుడు అప్లై చేయొద్దు. ఏదైనా ఫేస్‌ప్యాక్స్‌లో వాడొచ్చు. అంతేకానీ, అలానే ముఖంపై వాడితే సమస్యలొస్తాయి.

వెనిగర్..

వెనిగర్ కూడా స్కిన్‌పై ప్రాబ్లమ్‌ని తీసుకొస్తుంది. దీని వల్ల స్కిన్ ఇరిటేషన్ వస్తూ సమస్య పెరిగితే ఇది బర్న్స్ పిగ్మంటేషన్‌కి దారి తీస్తుంది. కాబట్టి, వెనిగర్‌ని వాడకపోవడమే మంచిది. దీనిని వాడాలనుకున్నప్పుడు ఏదైనా ప్యాక్‌లో కానీ, ఇతర వాటితో కలిపి వాడాలి. అంతేకానీ, నేరుగా వాడొద్దు.

టూత్‌పేస్ట్..

చాలా మంది మొటిమలపై టూత్‌పేస్ట్‌ని నేరుగా అప్లై చేస్తారు. దీని వల్ల మొటిమలు తగ్గుతాయని, మచ్చలు పోతాయనుకుంటారు. కానీ, దీనిని అప్లై చేయడం వల్ల చాలా మందికి స్కిన్ ప్రాబ్లమ్స్, రాషెస్, ఇరిటేట్ అవ్వడం జరుగుతుంది. కాబట్టి, టూత్‌పేస్ట్ వాడకపోవడమే మంచిది.