కొలెస్ట్రాల్‌ని తగ్గించి బరువు తగ్గించే శనగల నీరు.. రెగ్యులర్‌గా తాగితే ఈ సమస్యలన్నీ దూరం

సాధారణంగా శనగలే చాలా ఆరోగ్యకరం. వీటిని తినడం వల్ల ఎన్నో లాభాలు ఉంటాయి. అయితే, వీటిని అలా కాకుండా నానబెట్టుకుని ఆ నీటిని తాగడం, నానబెట్టిన శనగలు తినడం వల్ల కలిగే లాభాలు అన్నీ ఇన్నీ కావు. అందుకే, చాలా మంది రోజూ వీటిని తీసుకుంటారు. జీర్ణక్రియ నుండి ఇమ్యూనిటీ పెరగడం వరకూ నానబెట్టిన శనగల్ని, ఆ నీటిని తీసుకోవడం వల్ల జరుగుతుంది.

శనగల్ని నానబెట్టడం వల్ల ఆ శనగలు, నీటిలో ప్రోటీన్, ఫైబర్, విటమిన్స్, ఖనిజాలు ఉంటాయి. ఈ నీటిని తాగితే రీఫ్రెష్‌ ఫీల్ ఉంటుంది. అప్పటికప్పుడు శక్తి అందుతుంది. ఇంకా ఈ నీటిని తీసుకోవడం వల్ల మరెన్నో లాభాలు ఉన్నాయి. అవేంటో తెలుసుకోండి.

బరువు తగ్గడం..

శనగల్ని నానబెట్టి ఆ నీటిని తీసుకోవడం వల్ల కడుపు చాలాసేపటి వరకూ కడుపు నిండుగా ఉంటుంది. దీని వల్ల ఆకలి తగ్గుతుంది. దీంతో బరువు తగ్గుతారు. అదనంగా.. శనగల్ని ఫైబర్ బాడీ ఫ్యాట్‌ని తగ్గిస్తుంది. ఈ శనగల్లో విటమిన్ సి, జింక్‌లు ఉంటాయి. అంతేకాదు, ఈ శనగల్ని తిన్నా నీటిని తాగినా ఇమ్యూనిటీ పెరుగుతుంది. దీంతో ఇన్ఫెక్షన్స్ తగ్గుతాయి.

ఈ సింపుల్ చిట్కాలతో చెడు కొలెస్ట్రాల్‌ను తగ్గించుకోండి

బ్లడ్ షుగర్..

శనగల్ని నానబెట్టి ఆ నీటిని తాగడం వల్ల షుగర్ లెవల్స్ కంట్రోల్ అవుతాయి. దీనికి కారణం ఇందులోని తక్కువ గ్లైసెమిక్ ఇండెక్స్. ఇవి బ్లడ్ షుగర్ లెవల్స్‌ని బ్యాలెన్స్ చేస్తాయి. ఈ నీరు మెటబాలిజాన్ని పెంచుతుంది. దీంతో కేలరీలు త్వరగా కరుగుతాయి. అదే విధంగా బాడీకి త్వరగా శక్తి అందుతుంది. ఇది బాడీ ఫంక్షనింగ్‌ని మెరుగ్గా చేస్తుంది.

కొలెస్ట్రాల్ తగ్గడం..

శనగల్ని నానబెట్టిన నీటిలో కార్బ్స్, ప్రోటీన్, ఫ్యాట్, విటమిన్స్, మినరల్స్ ఉంటాయి. ఈ నీటిని ఓ స్పూన్ పరిమాణంలో తీసుకుంటే 5 కేలరీలు అందుతాయి. అదే విధంగా ఇందులో ఎక్కువగా ప్రోటీన్ ఉంటుంది. గుడ్లలో ఉన్న ప్రోటీన్‌కి సమానంగా ఉంటుంది. వీటిని మనం ప్లాంట్ బేస్డ్ ప్రోటీన్‌కి బెస్ట్ ఎగ్జాంపుల్ అని చెప్పొచ్చు. ఈ నీటిని తీసుకోవడం వల్ల కొలెస్ట్రాల్ కరుగుతుందని అధ్యయనాలు చెబుతున్నాయి.

ఎలా తయారు చేయాలి..

ముందుగా పచ్చి శనగల్ని తీసుకుని నీట్‌గా కడిగి తర్వాత వాటిని రాత్రంతా నీటిలో నానబెట్టాలి. ఉదయాన్నే ఆ నీటిని వడగట్టాలి. ఆ నీటిలో అలానే తాగొచ్చు. లేదంటే కొద్దిగా ఉప్పు, నిమ్మరసం కలిపి తీసుకోవచ్చు. అయితే, మరీ ఎక్కువసేపు నానబెడితే ఎక్కువ పోషకాలు వస్తాయనుకోవద్దు. దీని వల్ల పోషకాలు తగ్గే అవకాశం ఉంది. రోజుకి ఈ నీటిని తాగితే శక్తి అందుతుంది. జీర్ణ వ్యవస్థ సరిగ్గా ఉంటుంది.

నానబెట్టిన శనగల్ని ఎలా తీసుకోవచ్చు..

నానబెట్టిన శనగల్ని చక్కగా అలానే ఉల్లిపాయలు, పచ్చిమిర్చి, టమాట, నిమ్మరసం, కొత్తిమీర వేసి సలాడ్‌లా చేసి తీసుకోవచ్చు.

లేదా ఆ శనగల్ని మిక్సీ పెట్టి క్రీమీ వంటల్లో వాడుకోవచ్చు. వీటిని కూరలా వండుకోవచ్చు.

సూప్స్, సాస్‌లో, గ్రేవీ కూరల్లో వేయొచ్చు. ​

సైడ్ ఎఫెక్ట్స్..

అయితే, ఈ నీటిని ఎక్కువగా తీసుకుంటే కొన్ని సమస్యలు కూడా ఉంటాయి. ఇందులో ఫైబర్, కార్బోహైడ్రేట్స్ ఉంటాయి. కాబట్టి, వీటిని ఎక్కువగా తీసుకోవడం వల్ల జీర్ణ సమస్యలు వస్తాయి. కాబట్టి, ఎక్కువగా ఈ నీటిని తీసుకోవద్దు. దీని వల్ల గ్యాస్, అసిడిటీ సమస్యలొస్తాయి. దీంతో పాటు శనగల్లో ఆక్సలేట్స్ ఉంటాయి. వీటిని తీసుకోవడం కిడ్నీ స్టోన్స్ పెరుగుతాయి. కొంతమందికి శనగలు, శనగల నీటిని తీసుకోవడం వల్ల అలర్జీ వస్తుంది. స్కిన్ రాషెస్, స్వెల్లింగ్, అలర్జిక్ రియాక్షన్స్ పెరుగుతాయి. గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.