పాలకూర ఎంతో మంచిది, కానీ వీరు తింటే వచ్చే సమస్యలు అన్నీ ఇన్నీ కావు అవాయిడ్ చేయడమే బెటర్

వారంలో రెండు, మూడు రోజులైనా ఆకుకూరల్ని మన డైట్‌లో చేర్చుకోవాలని చెబుతారు. వీటిలోని పోషకాలు, ఫైబర్ శరీరానికి చాలా మేలు చేస్తుందని.. అందుకే కచ్చితంగా తీసుకోవాలని చెబుతుంటారు. అందుకే, ఆకుకూరల్ని తీసుకుంటారు. వీటితో రకరకాలుగా కూరలు వండి పెడతారు. ఇందులో పాలకూర కూడా ఒకటి. తోటకూర తర్వాత పాలకూర అంత పాపులర్.. ఆకుకూరల్లో మొదటగా తోటకూర తీసుకుంటే పాలకూరని అంతే ఎక్కువగా వాడతారు. వీటిని కూరలా, పప్పులో వేసి, ప్యూరీలా చేసి కూరలు వండుతారు.

ఇక పాలకూరలోని పోషకాల కారణంగా కచ్చితంగా తినాలని చెబుతారు. పాలకూరలో విటమిన్స్, పీచు పదార్థాలు, కాల్షియం ఉంటాయి. ఇవన్నీ కూడా మన రోజువారీ అవసరాలకి హెల్ప్ చేస్తాయి. కాబట్టి, వారంలో ఒకట్రెండు సార్లైనా పాలకూరని తీసుకోవాలని చెబుతారు. వీటితో పాటు విటమిన్ ఎ, సి, కె, మెగ్నీషియం, ఐరన్ బాబోయ్ చెప్పుకుంటూ పోతే లిస్ట్ చాలా పెద్దగానే ఉంటుంది. అయితే, ఇవన్నీ బాగానే ఉన్నా కొంతమంది ఈ పాలకూరని తినకపోడమే మంచిదని చెబుతున్నారు నిపుణులు. దీని వల్ల వారికి సమస్యలొస్తాయని సూచిస్తున్నారు. అదెవరికో తెలుసుకోండి.

కిడ్నీ సమస్యలు

పాలకూరలో ఆక్సాలిక్ యాసిడ్ ఉంటుంది. ఇది మూత్రపిండాల్లో కాల్షియంతో బంధించి రాళ్లను ఏర్పరుస్తుంది. కాబట్టి, ఆల్రెడీ ఈ సమస్యతో బాధపడేవారు తినకపోవడమే మంచిది. ఈ విషయంలో కూడా ముందుగా డాక్టర్ సలహా తీసుకోవాలి. కారణం.. కొంతమందికి సమస్య తక్కువగా ఉంటుంది. వారు అప్పుడప్పుడు కాస్తా తినొచ్చు. కానీ, తక్కువ మోతాదులోనే.. తినే ముందు డాక్టర్ సలహా తీసుకోవడం మంచిది. ఇక ఇందులో పొటాషియం ఎక్కువగా ఉంటుంది. ఇది కిడ్నీ ప్రాబ్లమ్స్ ఉన్నవారికి అసలు మంచిది కాదు. తీసుకోకపోవడమే మంచిది.

పాలకూర తింటే లాభాలు

రక్తాన్ని పల్చన చేసే మందులు వాడే వారు

కొంతమందికి రక్తం ఎక్కువగా మందంగా ఉంటుంది. దీంతో ఆరోగ్య సమస్యలొస్తాయి. అలాంటివారు రక్తాన్ని పల్చగా చేసేందుకు మందులు వాడతారు. అలాంటివారు ఈ పాలకూర తీసుకోకపోవడమే మంచిది. పాలకూరలో ఎక్కువగా విటమిన్ కె1 ఉంటుంది. ఇది రక్తాన్ని పల్చబడడాన్ని తగ్గిస్తుంది.

అధిక యూరిక్ యాసిడ్ ఉన్నవారికి

​యూరిక్ యాసిడ్ కొంతమందిలో ఎక్కువగా ఉంటుంది. దీని వల్ల గౌట్ వంటి సమస్యలొస్తాయి. అలాంటి వారు పాలకూరకి దూరంగా ఉండడ మంచిది. కారణం పాలకూరలో ప్యూరిన్ ఎక్కువగా ఉంటుంది. ఇది బాడీలో మరింతగా యూరిక్ యాసిడ్ సమస్యని పెంచుతుంది. చలికాలం ఇది మరింత నొప్పులకి కారణమవుతుంది.

ఐరన్ శాతం ఎక్కువగా ఉన్నవారికి

పాలకూర ఐరన్‌కి గొప్ప సోర్స్. ఐరన్ తక్కువగా ఉన్నవారు పాలకూరని తినమని సజెస్ట్ చేస్తారు. అయితే, ఆల్రెడీ బాడీలో ఐరన్ కంటెంట్ ఎక్కువగా ఉన్నవారికి పాలకూర మంచిది కాదు. దీంతో ఐరన్ పెరిగి లివర్, హార్ట్ ప్రాబ్లమ్స్‌కి దారి తీస్తుంది. కాబట్టి, సమస్యని పెంచుకోవద్దు.

అలర్జీ ఉన్నవారు

కొంతమందికి పాలకూర పడదు. తిన్నవెంటనే అలర్జీ వంటి సమస్యలొస్తాయి. ఇది ఎలా అయినా మీరు గమనించొచ్చు. పాలకూర తిన్నప్పుడు దురద, కణుతులు, కురుపులు రావడం లేదా అరగకపోవడం.. ఈ సమస్యలున్నవారు కూడా పాలకూరని అవాయిడ్ చేయడం మంచిది. దీంతో సమస్యని దూరం చేసుకోవచ్చు.

నెలల వయసున్న పిల్లలకి

పాలకూరలో ఎక్కువగా నైట్రేట్స్ ఉంటాయి. ఇవి చిన్న పిల్లలు తీసుకోవడం మంచిది కాదు. మరీ ముఖ్యంగా 4 నెలల వయసు కంటే తక్కువగా ఉన్నవారికి ఈ పాలకూరని తినిపిస్తే మెథెమోగ్లోబినియా అనే సమస్య వచ్చే అవకాశం ఉందట. కాబట్టి, ఈ పాలకూరకి దూరంగా ఉండడం మంచిది.

ఎక్కువగా తింటే

అంతేకాదు, పాలకూర కొంతమందికి మంచిదే అయినప్పటికీ.. మోతాదులో మాత్రమే తినాలి.. ఎక్కువగా తింటే గ్యాస్, తిమ్మిరి, కడుపునొప్పి, రక్తపోటు తగ్గడం, వణుకు, మూర్ఛ, వాంతులు, పల్స్ తగ్గడం వంటి సమస్యలొస్తాయి. కాబట్టి, ఏ ఫుడ్ అయినా మోతాదులో తినడం మంచిది.