ట్యాక్స్ పేయర్లకు రిలీఫ్.. రిటర్నుల గడువు పెంపు.. కొత్త తేదీలు ఇవే!

వస్తు సేవల పన్ను రిటర్నులు ఫైల్ చేసే వారికి బిగ్ రిలీఫ్ లభించింది. కేంద్ర పరోక్ష పన్నులు, కస్టమర్స్ విభాగం కీలక నిర్ణయం తీసుకుంది. జీఎస్‌టీ రిటర్నులు దాఖలు చేసేందుకు గడువు పొడిగించింది. నెలవారీగా జీఎస్టీఆర్-1, జీఎస్టీఆర్-3బి ద్వారా జీఎస్టీ రిటర్నులు ఫైల్ చేసే వారికి రెండు రోజుల చొప్పున గడువు ఇచ్చింది. గడువు పెంపు తర్వాత మంత్లీ రిటర్నులు ఫైల్ చేసే వారికి జనవరి 13, 2025 వరకు అవకాశం ఉంటుంది. అలాగే మూడు నెలలకు ఒకసారి జీఎస్టీఆర్ 1 ఫైల్ చేసే వారికి గడువును జనవరి 15, 2025 వరకు ఇస్తున్నట్లు సీబీఐసీ తెలిపింది.

అలాగే జీఎస్‌టీఆర్-3బీ ద్వారా నెలవారీగా రిటర్నులు ఫైల్ చేసే వారికి గడువు జనవరి 22, 2025 వరకు పొడిగించింది సీబీఐసీ. అయితే, త్రైమాసిక పద్ధతిన జీఎస్‌టీఆర్-3బీ ద్వారా రిటర్నులు ఫైల్ చేసే వారికి ప్రాంతాలను బట్టి రెండు రకాల డెడ్‌లైన్స్ ఉన్నాయి. స్పెషల్ కేటగిరీ ఉన్న రాష్ట్రాల ప్రజలకు గడువు జనవరి 26, 2025 వరకు అవకాశం ఉండగా.. మిగితా రాష్ట్రాలు, కేంద్ర పాలిత ప్రాంతాల వారికి గడువు జనవరి 24, 2025తో ముగుస్తుంది. ఈ మేరకు సోషల్ మీడియా ఎక్స్ వేదికగా జనవరి 20, 2025 రోజున సీబీఐసీ ఓ ప్రకటన చేసింది.

'టెక్నికల్ సమస్యల కారణంగా ఎవరైతే డిసెంబర్ 2024కు సంబంధించి ఫారం జీఎస్‌టీఆర్-1 ఫైల్ చేయలేకపోయేరో వారికి ప్రయోజనం కల్పించేలా ట్యాక్స్ రిటర్నుల గడువును జనవరి 13, 2025 వరకు పొడిగిస్తున్నాం. అలాగే అక్టోబర్ 2024 నుంచి డిసెంబర్ 2024 వరకు త్రైమాసిక పద్ధతిన ఫారం జీఎస్‌టీఆర్-1 ఫైల్ చేసే వారికి గడువును జనవరి 15 వరకు ఇస్తానం.' అని పేర్కొంది. మరోవైపు.. డిసెంబర్ 2024కు సంబంధించి ఫారం జీఎస్‌టీఆర్-5, జీఎస్‌టీఆర్-6 ద్వారా రిటర్నులు ఫైల్ చేసే వారికి సైకం గడువును జనవరి 15 వరకు ఇస్తున్నట్లు తెలిపింది. అలాగే ఫారం జీఎస్‌టీఆర్-7, జీఎస్‌టీఆర్-8 ద్వారా ఫైల్ చేసేందుకు గడువును జనవరి 12 వరకు ఇస్తున్నట్లు పేర్కొంది.

జీఎస్‌టీ నిబంధనల ప్రకారం సరఫరాదారులు జీఎస్‌టీఆర్-1 రిటర్నులు దాఖలు చేస్తారు. ఈ డేటా కొనుగోలుదారుల ఆధారంగా జీఎస్‌టీఆర్-2బీ ఆటోమేటిక్‌గా ఉంటుంది. కొనుగోలుదారులు తమ కొనుగోళ్లతో డేటాను పునరుద్ధరిస్తారు. అలాగే ఇన్‌పుట్ ట్యాక్స్ ఐటీసీ క్లెయిమ్ చేయడానికి జీఎస్‌టీఆర్- 3బీ ఫైల్ చేస్తారు. అందుకే రెండు గడువులను పొడిగించాల్సి వచ్చిందని జీఎస్టీ వర్గాలు తెలిపాయి.