షుగర్ తగ్గేందుకు గోధుమపిండి తింటున్నారా, ఇలా చేయకపోతే గోధుమల్ని తిన్నా ఉపయోగం ఉండదు

షుగర్ ఉంటే కార్బోహైడ్రేట్స్ తగ్గించాలని డాక్టర్స్ చెబుతారు. దీని వల్ల వారి ఆరోగ్యానికి మంచిదని చెబుతారు. అందుకోసం చాలా మంది చక్కెర స్థాయిలను తగ్గించేందుకు వారి డైట్‌లో గోధుమలని యాడ్ చేస్తారు. అయితే, అందరికీ తెలియని ఓ విషయం ఏంటంటే గోధుమపిండిలోనూ ఎక్కువగానే గ్లైసెమిక్ ఇండెక్స్ ఉంటుంది. దీని వల్ల కూడా రక్తంలో చక్కెర స్థాయిలు పెరుగుతాయి. అలా కాకుండా గ్లైసెమిక్ ఇండెక్స్ తగ్గించేందుకు షుగర్ ఉన్నవారు గోధుమపిండిని ఎలా తీసుకోవాలో తెలుసుకోండి.

ప్రాసెస్డ్ పిండి కాకుండా

కొంతమంది ఎక్కువగా ఏ పిండి అయినా ఒకటేనని మార్కెట్లో దొరికే ప్రాసెస్డ్ పిండి వాడతారు. అలా కాకుండా శుద్ధి చేయని గోధుమల నుండి తయారైన పిండి కాకుండా హోల్ వీట్ ఫ్లోర్ తీసుకోవాలి. ఇందులో ఫైబర్, పోషకాలు పుష్కలంగా ఉంటాయి. ఇవి షుగర్ ఉన్నవారికి బియ్యం బదులుగా తీసుకుంటే మంచిది. హోల్ గ్రెయిన్‌నుంచి తయారైన గోధుమపిండి షుగర్ ఉన్నవారికి మంచిది. ఇది రక్త ప్రవాహంలో ఇన్సులిన్‌‌ని తీసుకెళ్తుంది. హోల్ ఆట్టాలో గ్లైసెమిక్ ఇండెక్స్ తక్కువగా ఉంటుంది.

బెండకాయ తింటే.. షుగర్‌ కంట్రోల్‌లో ఉంటుందా

ఫైబర్‌తో తీసుకోవడం

గోధుమపిండి గ్లైసెమిక్ ఇండెక్స్‌ని తగ్గించేందుకు ఎక్కువ ఫైబర్‌తో కలిపి తీసుకోవడం మంచిది. దీంతో మొత్తం గ్లైసెమిక్ ఇండెక్స్ తగ్గుతుంది. ఫైబర్ ఎక్కువగా ఉండే ఫుడ్‌ని తీసుకుంటే శరీరంలోని గ్లూకోజ్ జీర్ణక్రియ మందగిస్తుంది. ఇది రక్తంలో చక్కెర స్థాయి పెరుగుదలని తగ్గిస్తుంది. షుగర్ ఉన్నవారు ఎక్కువగా ఫైబర్ తీసుకుంటే వారి గ్లైసెమిక్, బరువు కంట్రోల్ అవుతుందని అధ్యయనాలు చెబుతున్నాయి.

ఎలా ఉడికించాలి

గోధుమపిండి గ్లైసెమిక్ ఇండెక్స్‌ని తగ్గించేందుకు నీటితో ఉడికించాలి, లేదా ఆవిరితో ఉడికించాలి. నీరు, ఆవిరిపై వండిన ఆహారాల్లో కార్బోహైడ్రేట్స్ జీర్ణక్రియ నెమ్మదిగా ఉంటుంది. ఇది రక్తప్రవాహంలో గ్లూకోజ్ చేరడాన్ని తగ్గిస్తుంది. గోధుమపిండిని నీరు, పెరుగులో రాత్రంతా నానబెట్టి, ఆ తర్వాత తీసుకుంటే కాంప్లెక్స్ కార్బోహైడ్రేట్స్ విచ్ఛిన్నమై గ్లైసెమిక్ ఇండెక్స్ తగ్గుతుంది.

తక్కువ గ్లైసెమిక్ ఫుడ్స్‌తో కలపడం

గోధుమపిండిలో కార్బోహైడ్రేట్స్ జీర్ణక్రియని నెమ్మదిగా చేస్తాయి. తక్కువ కార్బోహైడ్రేట్స్ ఉన్న కూరగాయలు పండ్లు, కూరగాయలతో తీసుకోవాలి. ఉదాహారణకి.. పప్పు, ఆకుపచ్చ కూరగాయలు సలాడ్‌తో గోధుమ రోటీలు తినొచ్చు. దీని వల్ల రక్తంలో చక్కెర స్థాయిలు తగ్గుతాయి.

ప్రోటీన్

గోధుమలు, గోధుమపిండితో తయారైన ఫుడ్స్‌ని ప్రోటీన్‌తో కలిపి తీసుకోవాలి. పనీర్, గుడ్ల వంటి ప్రోటీన్ ఎక్కువగా ఉన్న ఫుడ్స్‌తో తీసుకోవడం మంచిది. అదే విధంగా, వీటిని తక్కువగా తీసుకోవాలి. మంచిది కదా అని లంచ్, బ్రేక్‌ఫాస్ట్‌, డిన్నర్‌లో తీసుకోవడం కాదు. ఏదైనా ఓ సారి మాత్రమే తింటే మంచిది.

మొత్తంగా

గోధుమపిండిని శనపిండితో కలపొచ్చు. వీటిలో ఫైబర్, ప్రోటీన్, హెల్దీ ఫ్యాట్స్ ఎక్కువగా ఉంటాయి. ఇది కార్బోహైడ్రేట్స్ శోషణని తగ్గిస్తుంది. భోజనం చేశాక చక్కెర స్థాయిలను తగ్గిస్తుంది.