పసిబిడ్డలు ఆకలి వేసినప్పుడు మాత్రమే కాదు, ఇలాంటి కారణాలతో కూడా ఏడుస్తారు గమనించండి

పుట్టిన పిల్లలు సాధారణంగా ఎక్కువసార్లు ఏడుస్తారు. ఇలా పిల్లలు ఏడవడానికి చాలానే కారణాలు ఉంటాయి. కానీ, తల్లులు వారికి ఆకలి అవుతుందని వెంటనే పాలు పడతారు. వారి ఏడుపుని అర్థం చేసుకోరు. పెద్దవారు అనేక కారణాలతో ఏడ్చినట్లుగా.. పిల్లలు కూడా ఎన్నో కారణాలతో ఏడుస్తారు. అన్నింటికీ ఆకలే కారణమై ఉండదు. ఇది ప్రతి ఒక్క తల్లీ తెలుసుకోవాలి.

అసలు పిల్లలు ఎందుకు ఏడుస్తారు. వారు నోరు తెరిచి చెప్పకపోయినా కొన్ని కారణాలతోనే ఏడుస్తున్నారని అర్థం చేసుకోవాలి. సాధారణంగా పిల్లలు కొన్ని సమస్యల కారణంగా ఏడుస్తుంటారు. మరి అవేంటో తెలుసుకోండి.

గ్యాస్

పిల్లలకి పాలు పట్టించి వెంటనే నిద్రపుచ్చడం వల్ల ఒక్కోసారి గ్యాస్ పట్టేస్తుంది. అలాంటప్పుడు కూడా పిల్లలు ఏడుస్తారు. అలా కాకుండా పిల్లల్ని ఎత్తుకుని వారి వీపుని సున్నితంగా రుద్దితే గ్యాస్ బయటికి వస్తుంది. దీంతో వారు రిలాక్స్‌గా ఉంటారు.

ఓవర్ ఎక్స్‌పోజ్

ఇది అనేక రకాలుగా ఉండొచ్చు. ఒక్కసారే కొత్త ముఖాలు కనిపించడం, ఎక్కువ లైటింగ్, ఎండ ఇలా ఏవైనా ఒకేసారి కనిపించడం వల్ల కూడా పిల్లలు భయపడి ఏడుస్తారు. అలాంటప్పుడు వారిని సైలెంట్‌గా, కాస్తా చీకటిగా ఉన్న గదిలోకి తీసుకెళ్ళి కాసేపు జోకొట్టండి.

టెంపరేచర్

పిల్లలు మరీ వేడిగా ఉన్న ప్రదేశంలో అయినా, చల్లగా ఉన్న పద్రేశంలో అయినా తట్టుకోలేరు. అలాంటప్పుడు ఏడుస్తారు. అదే విధంగా, పెరిగే వరకూ వారికి ఏడుపు మాత్రమే పెద్దలతో ఉండే కనెక్షన్.. దీంతోనే వారి డిస్‌కంఫర్ట్‌ని తెలియజేస్తారు. కాబట్టి, వారు కాస్తా అలసిపోయినా, లేదా విసుగ్గా ఉన్నా ఏడుస్తారు. దీంతో పాటు ఒంటరిగా ఉన్నమని ఫీల్ అయినా పిల్లలు ఏడుస్తారు.

పిల్లల ఇమ్యూనిటీ పెంచే ఫుడ్స్‌

డైపర్ తడిగా మారడం

పిల్లలు తరచుగా టాయిలెట్‌కి వెళ్తుంటారు. దీంతో డైపర్స్ తడిగా మారతాయి. తడి బట్టలు మనకి ఎలా ఇబ్బందిగా ఉంటాయో అలానే డైపర్స్ కూడా పిల్లల చర్మాన్ని చికాకుపెడతాయి. అందుకే, వాటిని ఎప్పటికప్పుడు చెక్ చేస్తుండాలి. వాటిని తీసేసి కొత్త డైపర్ వేస్తే పిల్లలు ఏడుపుని ఆపేస్తారు.

దాహమైనా కూడా

సాధారణంగా పిల్లలు ఆకలి కాకుండా దాహమైన ఏడుస్తారు. దీనిని ఎలా కనుక్కోవాలంటే నోటితో చప్పరించడం చేస్తుంటారు. వారు పెదాలు కూడా డ్రైగా అవుతుంటాయి. కాబట్టి, అప్పుడు పాలు కానీ, నీరు కానీ ఇవ్వొచ్చు. దీంతో పిల్లల అవసరం తీరి వారు ఏడుపు తగ్గిస్తారు.

నొప్పి ఉన్నప్పుడు

పిల్లలకి పళ్ళు వస్తున్నప్పుడు నొప్పిగా ఉంటుంది. దీంతో ఏడుస్తారు. లేదా ఫీవర్, ఇన్ఫెక్షన్స్, జలుబుతో ఇబ్బంది పడినా మొదటగా ఏడుస్తారు. కాబట్టి, వీటిని పట్టించుకుని తల్లులు వారు ఏ సమస్యతో ఏడుస్తున్నారో కనుక్కోవాలి. అదే విధంగా, పిల్లలు ఏడుస్తున్నారంటే తల్లులు పానిక్ అవ్వకూడదు. మొదటి కొన్ని పిల్లల్లో ఏడుపు కామన్ అని గుర్తుపెట్టుకోండి.