రెగ్యులర్‌గా తింటే వీక్నెస్ నుంచి త్వరగా బయటపడతారు

దీర్ఘకాలిక తలనొప్పి, జ్ఞాపక శక్తి తగ్గిపోవడం, చేతుల కాళ్ల తిమ్మిరి, కండరాల బలం కోల్పోవడం వంటి లక్షణాలు ఎంత మాత్రం మంచిది కాదు. నరాల బలహీనత ఉంటే ఈ లక్షణాలు మీలో కనిపిస్తాయి. చెడు అలవాట్లు, ఒత్తిడి కారణంగా నరాల్లో రక్త సరఫరా సరిగ్గా జరగదు. మానవ శరీరంలో నరాలు కీలక పాత్ర పోషిస్తాయి. బ్రెయిన్ నుంచి శరీరంలోని అన్ని భాగాలకు సంకేతాలు పంపించడానికి నరాలు కీలకం. వీటి వల్ల నాడీవ్యవస్థ చాలా ఆరోగ్యంగా ఉంటుందని నిపుణులు చెబుతున్నారు. శరీరంలో అన్ని భాగాలకు అవసరమైన ఆక్సిజన్, పోషకాలు తీసుకెళ్లడంలో నరాలు ముఖ్యమైన పాత్ర పోషిస్తాయి. అయితే, ఈ రోజుల్లో మారుతున్న జీవన శైలి, కాలుష్యం, అనారోగ్యకరమైన ఆహారపు అలవాట్లతో లేని పోని సమస్యలు తెచ్చుకుంటున్నారు. శరీరానికి కావాల్సిన పోషకాలు సరైన సమయానికి అందకపోతే రకరకాల వ్యాధులు వస్తాయి. అందులో నరాల బలహీనత కూడా ఒకటి.

దీర్ఘకాలిక తలనొప్పి, జ్ఞాపక శక్తి తగ్గిపోవడం, చేతుల కాళ్ల తిమ్మిరి, కండరాల బలం కోల్పోవడం వంటి లక్షణాలు ఎంత మాత్రం మంచిది కాదు. నరాల బలహీనత ఉంటే ఈ లక్షణాలు మీలో కనిపిస్తాయి. చెడు అలవాట్లు, ఒత్తిడి కారణంగా నరాల్లో రక్త సరఫరా సరిగ్గా జరగదు. దీంతో ఈ సమస్య తలెత్తుతుందని నిపుణులు అభిప్రాయ పడుతున్నారు. ఈ సమస్య ఎదుర్కోనే వారు చాలా బాధ, నొప్పి భరిస్తూ ఉంటారు. అయితే, ఈ సమస్యను తగ్గించుకోవాలంటే కొన్ని ఆహారాల్ని భాగం చేసుకోవాలి. ఈ ఆహారాలు తింటే నరాల బలహీనత తగ్గుతుంది. ఇంతకీ ఆ ఫుడ్స్ ఏంటంటే

క్వినోవా

​క్వినోవా తృణధాన్యాలకు చెందిన సూపర్ ఫుడ్. దీంతో అనేక ఆరోగ్య ప్రయోజనాలు ఉన్నాయి. క్వినోవాలో యాంటీ ఇన్‌ఫ్లమేటరీ లక్షణాలు ఉన్నాయి. క్వినోవాలో పోషకాలు పుష్కలంగా లభిస్తాయి. విటమిన్ బీ6, జింక్, ఫోలెట్, మాంగనీస్, ఐరన్, కాపర్ వంటివి మెండుగా ఉంటాయి. రోజువారి ప్రోటీన్ అందించడంలో క్వినోవా కీలక పాత్ర పోషిస్తుంది. క్వినోవాలో ఫైబర్ ఎక్కువగా ఉంటుంది. ఈ పోషకాలన్నీ నరాల ఆరోగ్యం కాపాడటంలో కీలక పాత్ర పోషిస్తాయని నిపుణులు చెబుతున్నారు.

గుమ్మడి గింజలు

​గుమ్మడి గింజల్లో ఫైబర్, విటమిన్‌ ఏ, బీ, సీ ఈ తో పాటు కాల్షియం, ఫ్యాటీ యాసిడ్స్, పొటాషియం, జింక్, అమైనో యాసిడ్స్, ఫినోలిక్ సమ్మేళనాలు, ఫోలెట్, ఐరన్, ఫాస్పరస్ పుష్కలంగా ఉంటాయి. వీటిల్లో యాంటీఆక్సిడెంట్, యాంటీ ఇన్ఫ్లమేటరీ, యాంటీమైక్రోబయల్, యాంటీ ఆర్థరైటిక్‌ లక్షణాలు ఉంటాయని నిపుణులు చెబుతున్నారు. ఇవన్నీ నరాల రక్షణలో కీలక పాత్ర పోషిస్తాయి. అంతేకాకుండా ఇందులో ఉండే విటమిన్ బి-15 ఉంటుంది. ఇవి కండరాల ఆరోగ్యాన్ని రక్షిస్తాయి. ఈ గింజలు రోజూ తింటే.. నరాలు ఆరోగ్యంగా ఉంటాయని నిపుణులు అంటున్నారు.

బ్లూ బెర్రీస్

​బ్లూ బెర్రీస్‌లో పోషకాలు అధికంగా ఉంటాయి. యాంటీ ఆక్సిడెంట్లు, ఫైబర్, విటమిన్లు, పొటాషియం ఎక్కువగా ఉంటాయి. బ్లూబ్రెరీ పండ్లలోని యాంటీ ఆక్సిడెంట్లు మెదుడుని ఆరోగ్యంగా ఉంచుతాయి. ఇవి జ్ఞాపక శక్తి మెరుగుపర్చడంలో కీలక పాత్ర పోషిస్తాయి. ఈ పండ్లలో యాంటీ ఇన్‌ఫ్లమేటరీ లక్షణాలు ఉంటాయి. ఇవన్నీ నరాలు దెబ్బ తినకుండా కాపాడతాయని నిపుణులు చెబుతున్నారు.

సిట్రస్ ఫ్రూట్స్

సిట్రిక్ యాసిడ్ ఎక్కువగా ఉండే పండ్లను సిట్రస్ ఫ్రూట్స్ అంటారు. నిమ్మ, నారింజ, బత్తాయి, గ్రేప్ ఫ్రూట్ వంటి పండ్లు సిట్రస్ జాతికి చెందినవి. సిట్రస్ ఫ్రూట్స్‌లో ఎన్నో పోషకాలు, విటమిన్లు, ఖనిజాలు లభిస్తాయి. వీటిలో విటమిన్ సి, ఫ్లేవనాయిడ్స్, ఫైబర్, ప్లాంట్ కాంపౌండ్స్ ఉంటాయి. వీటిని తినడం వల్ల ఇమ్యూనిటీ పవర్ పెరుగుతుంది. యాంటీ ఆక్సిడెంట్లు, ఫైటో కెమికల్స్ వంటి పోషకాలు నరాలు దెబ్బ తినకుండా కాపాడటంలో కీలక పాత్ర పోషిస్తాయని అధ్యయనాలు చెబుతున్నాయి.

ఆకుకూరలు

ఆకుకూరలు గురించి ప్రత్యేకంగా చెప్పనక్కర్లేదు. ఆకుకూరలు ఆరోగ్యానికి ఎంతో మంచివి. పాలకూర, తోటకూర, బచ్చలికూర, మెంతికూర, కొత్తిమీర, పుదీనా వంటి ఆకుకూరలు ఆరోగ్యానికి ఎంతో మేలు చేస్తాయి. వీటిలో పోషకాలు మెండుగా ఉంటాయి. వీటిలో విటమిన్ ఎ, సి, ఇ, కాల్షియం, ప్రోటీన్, ఐరన్, పొటాషియం ఉంటాయి. ఇవి ఇమ్యూనిటీ పవర్ పెంచడమే కాకుండా.. మెదడు ఆరోగ్యాన్ని కాపాడతాయి. అంతేకాకుండా రోజూ తింటే నరాల బలహీనత తగ్గుతుందని నిపుణులు చెబుతున్నారు.

ఇవి కూడా తినాలి

* బాదం, జీడిపప్పు వంటి డ్రై ఫ్రూట్స్ తినాలి. వీటిలో మెగ్నిషియం ఎక్కువగా ఉంటుంది. వీటిని తినడం వల్ల నరాలకు ఉపశమనం లభిస్తుంది. అంతేకాకుండా తగిన విశ్రాంతి లభించడం వల్ల నరాలకు బలం చేకూరుతుంది.

* సాల్మన్, మెకేరెల్ వంటి చేపల్ని ఎక్కువగా తినాలి. వీటిలో ఉంటే ఒమేగా-3 ఫ్యాటీ యాసిడ్స్ నరాల్ని బలంగా ఉంచుతాయి.

* డార్క్ చాక్లెట్ కూడా నరాలకు తగిన విశ్రాంతిని కల్పిస్తుంది. డార్క్ చాక్లెట్‌లో ఎల్-ట్రిప్టోఫాన్ ఉంటుంది. ఇది మెదడు ఆరోగ్యానికి చాలా మంచిది.