ఏం చేసినా జుట్టు రాలడం తగ్గట్లేదని బాధపడుతున్నారా

బయటికి వెళ్లినప్పుడు ఎవరైనా పొడవైన జుట్టుతో కనిపిస్తే అబ్బా ఎంత బాగుంది జడ. మన జుడ కూడా అలా ఉంటే బాగుండేది అని చాలా మందే అనుకుంటారు. కానీ, ఏం చేసినా జుట్టు కాస్తా పెరుగుతూ సన్నగా కనిపించేసరికి పిలకలా ఉన్న జుట్టుని చూసి చిన్న జుట్టైనా సరే చక్కగా ఒత్తుగా కనిపిస్తే బాగుంటుందని కట్ చేసుకుంటున్నారు. దీంతో పొడవైన, ఒత్తైన జడ ఉన్నవారు కనిపించడమే కష్టమైపోతోంది. అలాంటి వారు కొన్ని చిట్కాలతో ఒత్తైన, పొడవైన జుట్టుని పొందొచ్చు. దానికోసం ఏం చేయాలో తెలుసుకోండి.

స్కాల్ప్ మసాజ్

పొడవైన, ఒత్తైన జుట్టు చాలా మంది డ్రీమ్ అని చెప్పొచ్చు. దీనికోసం చాలా మంది ఎన్నో రకాల ప్రయత్నాలు చేస్తారు. అయితే, మనం రోజూ చేసే కొన్ని మార్పులతో జుట్టుని ఒత్తుగా, పొడుగ్గా పెంచుకోవచ్చు. అలాంటి వాటిలో స్కాల్ప్ ఒకటి. స్కాల్ప్ మసాజ్‌తో బ్లడ్ సర్క్యూలేషన్ ఒకటి. దీని వల్ల జుట్టు పెరుగుతుంది.

ఆముదం

జుట్టుకి నూనె రాయడం చాలా ముఖ్యం. వారంలో రెండు సార్లైనా జుట్టుకి నూనె రాయండి. ఆ ఆయిల్ కూడా జుట్టుని పెంచేదిలా ఉండాలి. అలాంటి వాటిలో ఒకటి ఆముదం. ఆముదంలో ఫ్యాటీ యాసిడ్స్ ఎక్కువగా ఉంటాయి. ఇవి జుట్టుని ఒత్తుగా పొడుగ్గా పెరిగేలా చేస్తాయి. అందుకే, పూర్వ కాలం నుంచి మన పెద్దవారు ఆముదాన్ని వాడేవారు. ఇది చూడ్డానికి చిక్కగా ఉంటుంది. కానీ, జుట్టుకి చాలా మంచిది. ఇక కొబ్బరినూనె కూడా జుట్టు, స్కాల్ప్‌కి మాయిశ్చరైజేషన్‌ని అందించి జుట్టు బ్రేక్ కాకుండా చేస్తుంది.

అలోవెరా

అలోవెరా జెల్ కూడా అందాన్ని పెంచడంలో కీ రోల్ పోషిస్తుంది. దీనికోసం అలోవెరా నుంచి జెల్ తీసి నేరుగా జుట్టు, స్కాల్ప్‌కి అప్లై చేసి మసాజ్ చేయండి. దీని వల్ల కూడా జుట్టు పెరుగుతుంది. స్కాల్ప్ హెల్దీగా మారుతుంది.

మెంతులు

మెంతులు కూడా జుట్టు ఆరోగ్యానికి చాలా మంచివి. వీటిని వాడడం వల్ల స్కాల్ప్‌కి పోషణ అందుతుది. జుట్టు కుదుళ్లు బలంగా మారతాయి. దీనికోసం మెంతులని నానబెట్టి మిక్సీ పట్టి ఆ పేస్ట్‌ని హెయిర్‌ప్యాక్‌లా వేయండి. మిగతా హెయిర్‌ప్యాక్‌లో కూడా వీటిని కలిపి జుట్టుకి అప్లై చేయండి.

హెల్దీ ఫుడ్

మనం తీసుకునే ఫుడ్ కూడా జుట్టు ఆరోగ్యాన్ని కాపాడడంలో కీ రోల్ పోషిస్తుంది. అందుకోసమే మంచి పోషకాహారం తీసుకోవాలి. ముఖ్యంగా బయోటిన్ రిచ్ ఫుడ్స్ తీసుకోవాలి. వీటి వల్ల జుట్టులు బలంగా పెరుగుతుంది. వీటితో పాటు ప్రోటీన్ పుష్కలంగా తీసుకోండి. ఇవి ఆరోగ్యానికి ఎంత మంచివో జుట్టు ఆరోగ్యానికి కూడా అంతే మంచివి. జుట్టు బలంగా పెరగడానికి హెల్ప్ చేస్తాయి.

స్టైలింగ్ వద్దు

కొంతమంది జుట్టుపై రకరకాల ప్రయోగాలు చేస్తారు. హీట్ ప్రొడక్ట్స్, స్ప్రేలు, కలర్స్ వాడుతుంటారు. దీని వల్ల జుట్టు డ్యామేజ్ అవుతుంది. సరిగా పెరగదు. మధ్యలోనే తెగిపోతుంది. కాబట్టి, వీటిని ఎంత తక్కువగా వాడితే అంత మంచిది. జుట్టుని ఆరబెట్టుకునేందుకు హెయిర్ డ్రయ్యర్స్ వాడుతారు. దీని వల్ల కూడా జుట్టు డ్యామేజ్ అయ్యే అవకాశం ఉంది. అందుకే, అలా కాకుండా జుట్టుని సహజంగా ఆరేలా చూసుకోండి.

కట్ చేయడం

జుట్టుని రెగ్యులర్‌గా ట్రిమ్ చేయడం మంచిది. దీని వల్ల చివర్లలో చిట్లిపోవడం తగ్గి జుట్టు ఆరోగ్యంగా, ఒత్తుగా పెరుగుతుంది. కాబట్టి, జుట్టుని కనీసం మూడు నుంచి 6 నెలలకి ఓ సారైనా ట్రిమ్ చేయడం మంచిది. దీని వల్ల జుట్టు ఒత్తుగా పెరుగుతుంది. గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు​.​​​​​​​​