రూ.5000 ఉంటే చాలు.. ఒకేసారి చేతికి రూ.2 కోట్లు

ప్రతి ఒక్కరు కోటీశ్వరులు కావాలనుకుంటారు? పెద్ద మొత్తంలో డబ్బులు సంపాదించాలని కలలుగంటుంటారు. రూ.1 కోటి, రూ.2 కోట్లు అంటూ సంపాదించడం చాలా మంది ఇన్వెస్టర్ల ప్రధాన లక్ష్యంగా ఉంటుంది. మీరు కూడా ఇలా కోట్లు సంపాదించాలనుకుంటున్నారా? అందుకు మీరు ఇప్పుడే పెట్టుబడిని ప్రారంభించాలి. కేవలం రూ.5 వేలు ఉంటే చాలు. నెల నెల క్రమం తప్పకుండా పొదుపు చేసి మీ లక్ష్యాన్ని చేరుకోవచ్చు. మరి అలా ఎన్నేళ్లు కట్టాలి? ఏ పథకంలో ఇన్వెస్ట్ చేయాలి? అనేది ఇప్పుడు తెలుసుకుందాం.

మీరు ఆర్థిక లక్ష్యాలు, మీకు ఉన్న సమయం, రిస్క్ తీసుకునే సామర్థ్యం ఆధారంగానే పెట్టుబడి పోర్ట్ ఫోలియోను నిర్మించుకోవాలని నిపుణులు ఎప్పుడూ చెబుతుంటారు. మీ లక్ష్యం 30 సంవత్సరాల్లో రూ.2 కోట్లు సంపాదించడం అనుకుందాం. అందుకు మీరు ఒకేసారి లంప్‌సమ్ పెట్టుబడి రూ.1 లక్ష పెట్టి వదిలేయవచ్చు. లేదా నెల నెలా సిస్టమాటిక్ ఇన్వెస్ట్‌మెంట్ ప్లాన్ (సిప్)  ద్వారా నెలకు రూ.5,571 చెల్లిస్తూ మీ లక్ష్యాన్ని చేరుకోవచ్చు. మీకు వార్షిక రాబడి 12 శాతం ఉంటే చాలు.

మీరు నెల నెలా రూ.5,571 చొప్పున 30 సంవత్సరాల పాటు క్రమానుగత పెట్టుబడి విధానంలో మ్యూచువల్ ఫండ్స్‌లో ఇన్వెస్ట్ చేస్తే మెచ్యూరిటీ తర్వాత చేతికి రూ.2 కోట్లకు పైగా అందేందుకు అవకాశం ఉంది. ప్రస్తుతం చాలా ఫండ్స 12 శాతానికిపైగా రాబడులు అందిస్తున్నాయి. 30 సంవత్సరాల పాటు మీరు నెలకూ రూ.5,571 ఇన్వెస్ట్ చేస్తే మీ పెట్టుబడి మొత్తం రూ.21.05 లక్షలు అవుతుంది. ఇక్కడ కాంపౌండింగ్ మ్యాజిక్ జరిగి వడ్డీపైన వడ్డీ జనరేట్ అవుతుంటుంది.

చిన్న వయసులోనే పెట్టుబడి పెట్టడం ప్రారంభిస్తే ఎక్కువ సమయం ఇన్వెస్ట్ చేసేందుకు లభిస్తుంది. సరైన సమయంలో పెట్టే పెట్టుబడి చిన్నదిగా ఉన్నా దీర్ఘకాలంలో పెద్ద మొత్తంలో కార్పస్ ఏర్పడేలా చేస్తుంది. దీర్ఘకాలిక ఆర్థిక ప్రణాళికలో అసెట్ మిక్స్, రిస్క్ సామర్థ్యం అనేది కీలకంగా మారుతుంది. మీ వ్యూహాన్ని సరిగ్గా అమలు పరచాలి. అప్పుడే మీరు అనుకున్న లక్ష్యాన్ని చేరవచ్చు. మ్యూచువల్ ఫండ్స్‌లో హైరిస్క్ ఉంటుంది. మార్కెట్ ఒడుదొడుకుల్లో కొన్ని ఫండ్స్ నెగెటివ్ రిటర్న్స్ ఇస్తుంటాయి. నష్టపోయే ప్రమాదం ఉంటుంది. అందుకే తమ పోర్ట్ ఫోలియోను ఎప్పటికప్పుడు సమీక్షిస్తూ ఉండాలి