1620 పోస్టుల భర్తీకి ,,,,ఏపీ హైకోర్ట్‌ రిక్రూట్‌మెంట్‌ నోటిఫికేషన్‌

ఆంధ్రప్రదేశ్‌లో ఉద్యోగార్థులకు గుడ్‌న్యూస్‌. ఆంధ్రప్రదేశ్‌లో ఉద్యోగ నియమాకాలు నెమ్మదిగా ఊపందుకుంటున్నాయి. ఈక్రమంలో ఇప్పటికే 16,347 పోస్టులతో ఏపీ డీఎస్సీ నోటిఫికేషన్‌ 2025 విడుదల చేసిన విషయం తెలిసిందే. అలాగే.. తాజాగా రాష్ట్రంలోని జిల్లా కోర్టుల్లో ఖాళీగా ఉన్న ఉద్యోగాల భర్తీకై ఏపీ ప్రభుత్వం నోటిఫికేషన్ విడుదల చేసింది. ఈ నోటిఫికేషన్‌ ద్వారా మొత్తం 1620 ఉద్యోగాలను భర్తీ చేయనున్నారు. అయితే.. ఈ పోస్టులకు సంబంధించిన దరఖాస్తు ప్రక్రియ మాత్రం మే 13వ తేదీ నుంచి ప్రారంభమవుతుంది. అర్హత, ఆసక్తి ఉన్న అభ్యర్థులు ఆన్‌లైన్‌ విధానంలో అప్లయ్‌ చేసుకోవాల్సి ఉంటుంది. అలాగే.. పూర్తి వివరాలకు అధికారిక వెబ్‌సైట్‌ https://aphc.gov.in/ చూడొచ్చు.

అయితే.. మొత్తం 1620 ఉద్యోగాలు భర్తీ చేసేందుకు నోటిఫికేషన్ విడుదల చేసింది. వీటిలో సబార్డినేట్ పోస్టులు 651 ఉన్నాయి. జూనియర్ అసిస్టెంట్ పోస్టులు 230 ఉన్నాయి. ఈ పోస్టుల్ని జిల్లాలవారీగా భర్తీ చేయనున్నారు. ఏపీ హైకోర్టు అధికారిక వెబ్‌సైట్ ద్వారా అప్లికేషన్లు దాఖలు చేయవచ్చు. మే 13వ తేదీ నుంచి దరఖాస్తుల ప్రక్రియ ప్రారంభం కానుంది. ఆన్‌లైన్ విధానంలో దరఖాస్తులు జూన్ 2వ తేదీ వరకు స్వీకరించనున్నారు. ఓబీసీ, ఈడబ్ల్యూఎస్ కేటగరీ అభ్యర్ధులు 800 రూపాయలు ఫీజు చెల్లించాల్సి ఉంటుంది. అదే ఎస్సీ, ఎస్టీ , దివ్యాంగ అభ్యర్ధులు 400 రూపాయలు దరఖాస్తు ఫీజు చెల్లించాలి.

ఏపీ కోర్టుల్లోని సబార్డినేట్ పోస్టులకు 7వ తరగతి విద్యార్హత కాగా.. జూనియర్ అసిస్టెంట్ పోస్టులకు డిగ్రీ విద్యార్హతగా ఉంది. పూర్తి వివరాలను అధికారిక వెబ్‌సైట్‌ ద్వారా చెక్ చేసుకోవచ్చు. కాపీయిస్ట్, టైపిసట్, స్టెనోగ్రాఫర్, రికార్డ్ అసిస్టెంట్ పోస్టులకు ఇంటర్, డిగ్రీ విద్యార్హతతో పాటు సంబంధిత విభాగంలో ఉత్తీర్ణత ఉండాలి. టైపింగ్ తప్పనిసరి. కంప్యూటర్ అనుభవం ఉండాలి. వయ్సు 42 ఏళ్లలోపుండాలి. రిజర్వేషన్ కేటగరీ అభ్యర్ధులకు వయసు మినహాయింపు ఉంటుంది. రాత పరీక్ష ఆధారంగా ఎంపిక ఉంటుంది. జనరల్ ఇంగ్లీషు, జనరల్ నాలెడ్జిపై పరీక్ష ఉంటుంది.

మొత్తం ఖాళీలు : 1620

జూనియర్‌ అసిస్టెంట్‌ - 230

ఆఫీస్‌ సబార్డినేట్‌ - 651

ప్రాసెస్‌ సర్వర్‌ - 164

రికార్డ్‌ అసిస్టెంట్‌ - 24

కాపీయిస్ట్‌ - 193

ఎగ్జామినర్‌ - 32

ఫీల్డ్‌ అసిస్టెంట్‌ - 56

టైపిస్ట్‌ - 162

స్టెనోగ్రాఫర్‌ - 80

డ్రైవర్‌ - 28